С.Жавхлан үсээ хусуулахыг уриалав
Гавьяат жүжигчин С.Жавхлан долоодугаар сарын 01-ний өдөр 11:00-12:00 цагийн хооронд Сүхбаатарын талбай дээр эх нутгаа гэсэн халуун сэтгэлтэй хүн бүрийг үсээ хусуулах эсэргүүцлийн арга хэмжээнд оролцоосой хэмээн өнөөдөр хэвлэлийн бага хурал хийлээ. Тэрбээр "Үсээ хусах нь эсэргүүцлийн дээд хэлбэр юм. Тамгагүй төр буюу цахим ертөнцөд итгэл сэтгэлээрээ нэгдээд үйл ажиллагаа явуулж байгаа залуучууд бол өнөөдөр тамгаа авах цаг нь ирчихжээ. Олуулаа болъё гэсэн хэрнээ яагаад эх орноо гэсэн сэтгэлтэй хүмүүсийг барьж хориод, хөөж явуулаад байгаа юм бэ? Ингээд нэгнийгээ хөөгөөд байвал хүмүүс малаасаа хурдан алга болно шүү дээ. Харьд байгаа эрдэм мэдлэгтэй хүмүүсээ дуудмаар байгаа юм. Хүний эрх айхтар муухай зөрчигдөж байна.
Хүнлэг, энэрэнгүй, ардчилсан нийгэм биш дарангуйллын нийгэм тогтчихоод байна. Өөрсдийн толгойг ухахгүй өвөг дээдсийнхээ үлдээсэн толгойг ухах гэж дайрахаа болиоч ээ. Нэгдүгээрт, газар шороогоо зарж монгол түмнийг гомдоогоод байгаа энэ хүмүүсийг тараач гэж шаардаж байна. Хоёрдугаарт, эрх нь зөрчигдөж байгаа хүмүүсийг өмөөрч, суллаж, уучлал гуйх хэрэгтэй. Гуравдугаарт, монголчууд бүгд татварын өрөнд орчихсон хэцүү байгаа. Бүгдээрээ энэ хүмүүсийг гарч иртэл нь шаардаж асууя” хэмээн уриалав.
Эх сурвалж www.wikimon.mnuf