БНСУ-ын Гадаад хэргийн сайд айлчилж байна
Гадаад харилцааны сайд Л.Болдын урилгаар БНСУ-ын Гадаад хэргийн сайд Юн Бён Сэ Монгол Улсад хүрэлцэн ирсэн бөгөөд албан ёсны айлчлал нь өнөөдөр эхэлж байна. Тэрээр хоёр өдрийн айлчлал хийх юм. Айлчлалын үеэр Гадаад хэргийн сайд Юн Бён Сэ Монгол Улсын Ерөнхийлөгч Ц.Элбэгдорж, Ерөнхий сайд Н.Алтанхуяг нарт тус тус бараалхаж, Гадаад харилцааны сайд Л.Болдтой албан ёсны хэлэлцээ хийнэ.