Италийн фермер Дарио Гамбарин трактор болон газар хагалагч анжисын тусламжтайгаар Оросын Ерөнхийлөгч Владимир Путины хөргийг өөрийн тариалангийн талбай дээр "зурсан” байна.

Тэрээр энэхүү "уран бүтээлээ” энэ сарын 7-8-ны өдрүүдэд Хамбург хотноо болох G20 дээд хэмжээний уулзалтад зориулсан талаар өгүүлжээ.

Дэлхийн хамгийн хүчирхэг удирдагчид Украин, Сири дэх зөрчлүүд, цөмийн зэвсгийн нөөцийг багасгах, Оросыг АНУ-ын сонгуульд оролцсон талаар буруутгаад байгаа гэх мэт анхаарал татсан чухал асуудлуудыг шийдвэрлэнэ гэдэгт Гамбарин найдаж байгаа аж.

135 метрийн диаметр бүхий Оросын Ерөнхийлөгчийн хөргийг зөвхөн дээрээс нь бүтнээр харж болох бөгөөд хөргийн дэргэд  "G20 2017", зүүн гар талд нь "Путин” хэмээн орос үсгээр бичжээ. 

Д.Мөрөн

Эх сурвалж: ZONE.MN