Монгол улсын Засгийн газраас дөрөв дэх жилдээ хэрэгжүүлж буй "Оюутан цэрэг" сургалтыг  Үндэсний батлан хамгаалахын их сургууль хоёр дахь жилдээ зохион байгуулж байна.

Эхний шатанд эрүүл мэнд, сурлагын амжилтаар шалгарсан оюутнууд зургаадугаар сарын 15-наас "Цэргийн мэргэжлийн бэлтгэл" сургалтад сууж эхэлжээ.

Энэ жилийн "Оюутан цэрэг" сургалтын онцлог нь 11 төрлийн цэргийн бага мэргэжилтэн бэлтгэх болон "Монгол бөхийн өгөөж" үндэсний бөхийн хөтөлбөрт давхар хамрагдах юм.

Монгол бөхийн ёс жудаг, дүрэм журмын талаар дэлгэрэнгүй ойлголт өгч, барилдааны арга техник, үндсэн мэхийг зааж дадлагажуулан сургах энэхүү хөтөлбөрт оюутан цэргүүд хамрагдах бөгөөд Ардын хувьсгалын 96 жилийн ойн хүчит 128 бөхийн барилдааныг зохион байгуулалтад оролцох аж.