”Mongolian Mining Corporation” 28 сая ам.долларын алдагдалтай ажиллажээ
Хонконгийн хөрөнгийн биржид бүртгэлтэй, манай улсын томоохон нүүрс
экспортлогч "Mongolian Mining Corporation” энэ оны эхний хагас жилийн
тайлангаа танилцуулав. Тус компани энэ оны эхний хагас жилийн байдлаар
28 сая ам.долларын алдагдал хүлээсэн нь өнгөрсөн оны мөн үеэс 2.8 саяар
нэмэгдсэн дүн болжээ. Мөн борлуулалтын орлого нь 2013 оны эхний хагасын
үзүүлэлттэй харьцуулахад 22.3 хувиар буурч, 192.6 сая ам.доллар болсон
байна.