Парламентад суугаа хөрөнгөлөг гишүүдийн дээгүүрт Н.Оюундарь бичигддэг. Хэд хэдэн хувийн бизнестэй эрхэм гишүүний хүү ч мөн ээжийнхээ шийрийг хатаах бизнесмэн болж байгаа гэнэ. Энэ тухай эрхэм гишүүн өөрөө олон нийтэд мэдэгдсэн. Түүний хүү фермерийн аж ахуйгаас бизнесийн гараагаа эхэлж байгаа бололтой. Н.Оюундарь гишүүний хувьд бизнест дөнгөж хөл тавьж байгаа хүүдээ дэмжлэг болохоор ЖДҮХ сангаас 800 сая төгрөгийн зээл авчээ.

Тодруулбал, УИХ-ын гишүүн Н.Оюундарийн 80 хувийг эзэмшдэг ”Рэд стар клуб” ХХК ЖДҮХ сангаас 800 сая төгрөгийн зээл авсан байгаа юм.

Харин Н.Оюундарь гишүүн энэхүү зээлийн тухай мэдээлэл олон нийтэд ил болоход "Би уучлалт гуйх шаардлагагүй.Уучлалт гуйхгүй” хэмээн мэдэгдэж байв. Өөрийнх нь ихэнх хувийг эзэмшдэг компани жижиг дунд бизнес эрхлэгчдэд зориулсан сангаас зээл авсан үйл явцад эрхэм гишүүн ийнхүү тоомжиргүй хандав. Нэг үгээр эрхэм гишүүн энэхүү тусгай сангийн тухай мэдээллийг сонгогч түмэндээ хүргэж, тэдний гүүр болон ажиллах атал өөрийн бизнесээ өргөжүүлэхийг илүүд үзэв. Үүгээр ч барахгүй төсвийн мөнгөөр өөрийн бизнесээ өргөжүүлж байгаагаа ёс зүйгүй үйлдлээ юман чинээ бодсонгүй.

Харин ёс зүйгүй үйлдэлдээ огтхон ч гэмшээгүй төрийн түшээ хатагтай өнгөрсөн долоо хоногт намын даргын үүргийн дагуу дуртай дургүй уучлалт гуйж байгаа дүрийг үзүүлэв.

 П.ГОО
Оллоо.мн