Г.Өнөрбаяр: Би одонгийн мөнгийг хасна гэж хаана ч яриагүй

1

Одонтой ээжүүдэд олгож буй мөнгө  төсөвт дарамт болдог талаархи мэдээлэл цахим орчинд  гарсан.  Үүнтэй холбоотойгоор  Хөдөлмөр нийгмийн хамгааллын яамны Төрийн нарийн бичгийн дарга Г.Өнөрбаяр мэдээлэл хийв. Тэрбээр ийм мэдээлэл гарч байгаад гайхаж буйгаа илэрхийлэхийн хамт  одонтой ээжүүдийн мөнгийг бууруулах биш харин ч хүүхдийн тоотой нь уялдуулан өсгөх асуудал яригдаж байгаа гэдгийг онцлов.

Тодотгоход  оны эхний улирлын байдлаар 214 мянган эх мөнгөн тусламжид хамрагджээ. Үүнээс "Эхийн алдар” I одонтой 66768, II одонтой 147339 эх байгаа юм байна.

Одоо зургаан хүүхэдтэй ээж ч тэр, 10 хүүхэдтэй ээж ч тэр ижилхэн 200 мянган төгрөг авдаг. Тиймээс хуульд өөрчлөлт оруулж, хүүхдийн тооноос нь хамаараад олгох мөнгөн дүн нь ялгаатай байвал ямар вэ гэсэн санал гаргаж байгаа аж. Жишээлбэл, зургаан хүүхэдтэй ээж 200 мянган төгрөг авах бол, долоон хүүхэдтэй ээжид 230 мянган төгрөг олгоно  гэх мэт.

Олон хүүхэдтэй ээжүүдэд мөнгө олгох нь хүн амаа өсгөх бодлогын хэсэг бөгөөд төрөлтийг дэмжих нэг боломж юм.

Одоогоор манай улсын хүн амын өсөлт 2.1  хувьтай байгаа бол ахмад настны өсөлт 6.3 хувьтай байгаа. Сүүлийн 10 жилийн өсөлтийг харахад хүн амынх 16 орчим хувьтай байхад, ахмад настны өсөлт 21.9 хувьтай байгаа нь зайлшгүй хүн амын өсөлтдөө анхаарах шаардлагатайг сануулжээ. Түүнчлэн ойрын 10 жил төрөлтийн хамгийн идэвхтэй хугацаа байх гэнэ. Тийм учраас төрөлтийг дэмжсэн бодлого хэрэгжүүлэхээр салбар яамнаас ажиллаж байгаа аж.

Үүний нэг нь одонтой ээжүүдийн мөнгийг шатлалтайгаар нэмэх юм байна. Энэ талаар тэрээр үргэлжлүүлэн  "Шатлалтай гэдгийг бас буруу ойлгов. Одоо байгаа 218 мянган эх хэвээрээ байна. Тэдэнд олгож байгаа мөнгө нь ч буурахгүй. Харин хүүхдийнх нь тоогоор үечлэн нэмбэл яах вэ гэж ярьж байгаа. Гэхдээ үүнийг Засгийн газрын түвшинд танилцуулаагүй байна. 1990 оноос өмнө яг ийм шатлалтай мөнгө олгодог байсан. Өөрөөр хэлбэл гурван хүүхэдтэй ээж дөрөв, тав дахь хүүхдээ төрүүлбэл төрүүлсэн хүүхэд бүрт нь мөнгө олгодог байсан. Бид тэр тогтолцоог хамгийн зөв тогтолцоо гэж үзээд нэмэх саналтай байгаа” гэлээ.

Өдгөөгөөс арван жилийн өмнө буюу 2008 оны байдлаар 70 орчим мянган эх төрсөн бол 2018 онд 78 мянган эх төржээ. Ингэхээр ойрын 10 жилд хүн амын төрөлт нэг шугамд үргэлжилсэн байна. Дэлхийн бусад улсад хүн амаа өсгөхийн тулд олон хүүхэдтэй эхчүүдийг татвараас чөлөөлдөг. Энэ тогтолцоог нэвтрүүлэх болон  цаашид олон хүүхэдтэй ээжүүдийг орон сууцанд оруулахаар судалж байгаа  гэдгээ тодотгов.

 

Г.Хан

Холбоотой мэдээ

Сэтгэгдэл үлдээх

АНХААРУУЛГА: Уншигчдын бичсэн сэтгэгдэлд www.Tonshuul.mn хариуцлага хүлээхгүй болно.

Сэтгэгдэл:
Bold Italic Underline Strike | Align left Center Align right | Insert smilies Select color | Add Hidden Text Insert Quote Convert selected text from selection to Cyrillic (Russian) alphabet Insert spoiler
1 сэтгэгдэл
:

нэг ээжид оногдож байгаа дүн нь олигтой юм болохгүй, улсын хэмжээнд болохоор төсөвт хүндрэл учрахаар их дүн байгаа учраас төрийн мөнгийг ингэж үрэн таран хийж байхаар хэдэн сургууль цэцэрлэг эмнэлэг барьчихсан нь дээр байхаа. Үүнийг манай одонтой ээжүүд дэмжинэ гэдэгт итгэж байна. Харин уг мөнгийг зөвхөн хүүхдийн эмнэлэг, төрөх эмнэлэг, дунд сургууль, цэцэрлэг, хүүхдэд зориулсан спорт амралтын цогцолборт л зориулмаар санагдаж байна