Туркийн Стамбул хотод зохион байгуулсан боксын олон улсын тэмцээнд Монголын эрэгтэй, эмэгтэй тамирчид амжилттай оролцож гурван алт, тус бүр хоёр мөнгө, хүрэл медаль хүртлээ. Олон улсын хэмжээний мастер Х.Энхмандах 52 кг, Х.Энх-Амар 57 кг, О.Бямба-Эрдэнэ 75 кг-д алтан медалийн эзэн болов. Тэмцээний 64 кг-ын жинд хурд хүчээ сорьсон олон улсын хэмжээний мастер Б.Чинзориг хүрэл медаль хүртжээ. Эмэгтэй тамирчдаас 75 кг-ын жинд М.Мягмаржаргал, 69 кг-д У.Шинэцэцэг нар мөнгө, 51 кг-д Л.Алтанцэцэг хүрэл медаль зүүв. Манай тамирчид энэ амжилтаараа багаараа дэд байрт шалгарсан байна.

Б.Номуун

Эх сурвалж: "Монголын үнэн" сонин