Монгол Улсын Ерөнхий сайд Л.Оюун-Эрдэнэ "Ковид-19”-ийн вакцин хүлээн авах, хадгалах бэлэн байдлын үйл явцыг шалгалаа.  ХӨСҮТ-ийн мэргэжилтнүүдтэй уулзах үеэрээ тэрбээр олон нийтэд "Вакцины хамгийн анхны тунг Ерөнхий сайд миний бие тариулж, нийт иргэддээ уриална" гэж хэлсэн юм.  Ерөнхий сайд вакциныг хэр хурдан оруулж ирэх асуудлыг шийдвэрлэнэ, төдий чинээ вакцинжуулах ажлыг хурдан эхэлж, бид энгийн амьдралдаа орох боломжтой гэв. Түүнчлэн Засгийн газраас гуравдугаар сарын 1-нээс өмнө нийт иргэдийн 60 хүртлэх хувийг вакцинжуулах талаар УОК-ын хуралдаанаар онцолж байсан билээ.