Энэтхэгийн Засгийн газар манай улс болон Францтай байгуулсан сэргээгдэх эрчим хүчний салбарт хамтран ажиллах харилцан ойлголцлын санамж бичгийг баталгаажуулсан байна. Монголын талтай байгуулсан санамж бичигт техникийн шинж чанартай хамтын ажиллагааг хөгжүүлэхээр тусгасан гэж Энэтхэгийн талаас мэдээлжээ.

Мөн санамж бичигт харилцан туршлага судлах асуудал нь  Монгол Улсын сэргээгдэх эрчим хүчний нөөцөө ашиглахад дэмжлэг болно гэж "Clean Tachnica” цахим хуудаст онцолсон байна.

Өнгөрсөн тавдугаар сард Монгол Улсын Ерөнхий сайд Ч.Сайханбилэгийн урилгаар Монгол Улсад төрийн айлчлал хийхээр хүрэлцэн ирсэн Бүгд Найрамдах Энэтхэг Улсын Ерөнхий сайд Нарендра Модигийн айлчлалаас өмнө Энэтхэг улс нарны эрчим хүчний чиглэлээр Монгол Улстай хамтран ажиллах боломжтой гэдгээ илэрхийлж байсан юм.