Монголын Зохиолчдын хорооны дарга, яруу найрагч Гомпилдоогийн Мөнхцэцэг Чингисийн талбай дээр явж байгаад зохиолч, Д.Энхболд, яруу найрагч Б.Батрэгзэдмаа,төвдөч эрдэмтэн Г.Ням-Очир нартай тааралджээ. Хамтдаа авахуулсан зургаа Д.Энхболд нь орой нь Facebook-тээ тавьсны маргааш Г.Мөнхцэцэг түүн руу утастаж тэр зургийг арилгахыг гуйсан байна. Гайхсан зохиолч учрыг нь асуусанд найрагч бүсгүй "Намын дарга нар утасдаж загнаад хэцүү байна аа. Яасан тарган бүдүүн улстай юугаа хийж балай зураг авахуулаад энд тэнд тавиад явдаг юм гэж загнаад байна, авчих ах аа, тэгэх үү?” хэмээн учирласан гэнэ. "Ямар дарга?” хэмээн лавлахад "Намын дарга,ерөнхий нарийн бичгийн дарга нар. Дүүд нь хэцүү байна аа” хэмээн уйлагнаад байсан тул Д.Энхболд зохиолч аргагүйдэж уг зургийг нүүр хуудаснаасаа арилгасан бөгөөд өчигдөр тэрбээр энэ тухай Facebook-тээ дурсахдаа "Дүүгээ бодоод тэр зургийг арилгасан л даа. Харин Батрэгзэдмаа, Ням-Очир нар минь зүрхэнд минь улам л тодорч гэрэлтэж үлдсэн. Мөөжиг дарга ч ялгаагүй дээ, насаараа дарга хийх биш. Харин наснаасаа удаанаар яруу найрагч хийнэ шүү дээ.Тэгээд би МАН-ын дарга нарт дургүй болсон.Хүний гэдэс гүзээг биш толгойг нь хэзээ үнэлдэг болно доо, өөхнүүд ээ. Батрэгзэдмаа, Ням-Очир хоёрын толгой бол МАН-ын эрхэм дарга Миеэгийн толгойноос мянгаар ч тоолшгүй үнэт эрдэнэ шүү дээ” гэжээ.

Ж.Нар

Эх сурвалж:tonshuul.mn