435 кг жинтэй эрийн ходоодны 70 хувийг авахаар болжээ
Мексикийн иргэн 435 кг жинтэй Андрэ Мореног мэс засалд оруулахаар гэрээс нь тусгай дамнуургад хэвтүүлэн эмнэлэгт хүргэжээ. 37 настай энэ эрийн ходоодны 70 хувийг мэс засал хийн авахыг тэрбээр өөрөө зөвшөөрсөн байна. Өмнө нь ийм хүнд жинтэй өвчтөнд нойрсуулах аргаар мэс засал хийж байгаагүй учир амь насанд нь аюултай хэмээн эмч нар хүлээн зөвшөөрсөн бөгөөд одоогоор түүнийг даах мэс заслын ор хаархан байхгүй гэнэ. Эхээс төрөхдөө 5.8 кг байсан А.Морено нь 10 настайдаа 120 кг болсон бөгөөд хэт хүнд жингээсээ болж сүүлийн хэдэн жил хэвтэрт байгаа ажээ.