Тайландын гүнж Маха Чакригийн 60 насны ойг тохиолдуулан Зүүн Өмнөд Азийн 14 улсын багш нарт "Эрхэмсэг гүнж Маха Чакригийн нэрэмжит шагнал” олгохоор болжээ. 2015 оноос хойш хоёр жил тутам олгодог уг шагналын цар хүрээг энэ жилээс өргөжүүлж Бангладеш, Бутан, Монгол улсын багш нарыг хамруулахаар болсон байна. Тэгвэл манай улсаас уг нэр хүндтэй шагналыг "Энэрэл” мэргэжлийн боловсролын сургуулийн сургалтын менежер, багш А.Уянга хүртлээ. Тэрбээр өөрийн санаачилгаар хөгжлийн бэрхшээлтэй суралцагчдыг үнэ төлбөргүй сургаж, нийгэмшүүлэх, хөдөлмөрийн зах зээлд гарахад нь дэмжлэг үзүүлж, тууштай ажилласаар ирсэн байна. Түүнд Тайландын гүнжийн  нэрэмжит шагналын сангаас 10 мянган ам.доллар буюу 35 сая төгрөгөөр урамшуулсныг Боловсролын яамнаас мэдээллээ.