УИХ-ын гишүүн Ц.Даваасүрэн: -Бид хангалттай хувьчлал хийсэн гэж бодож байгаа. Ялангуяа хүүхдүүдийн байгууллагыг булаан авахыг дэмжихгүй.  Паркаас авхуулаад буцаагаад авчихсан. Урлан бүтээх төвийн хувьчлалыг дэмжихгүй. Ер нь барилгуудыг хувьчлахдаа тодорхой хэмжээгээр үндэснийхээ эрх ашгийг бодсон зүйл хийх хэрэгтэй. МИАТ, Үнэт цаасны зах зээлийн хувьчлахын эсрэг зогсоно. Хамгийн сүүлд үлдсэн байгаа, улс орны үндэсний эрх ашигтай холбогдолтой хүүхэд, багачуудын хөгжилтэй холбоотой барилга, эмнэлгийн байгууллага руу чиглэсэн хувьчлалыг дэмжихгүй. Хүүхдийн хэдэн байшин, эмнэлэг үлдсэн байгаа. Энэ бүгдийг авна гэж байгаа бол бид санал нийлэхгүй. Жижиг, зах зээлгүй оронд хувьчлалыг хэтэрхий туйлшруулбал ноцтойгоор эргэдэг. Харин бүх зүйлээ хувьчилж, Эрүүгийн хуулиа хялбарчилж байгаа үед гадныхан өмч хөрөнгийг худалдаж авах луйвар, технологи Монголд өнөөдөр бэлэн болчихлоо. Тиймээс маш болгоомжтой хандахгүй бол хамаг үнэ, цэнэтэй зүйлийг авчихсан цагт яачиж чадахгүй үлдэнэ. Үнэ, цэнэтэй зүйлээ худалдах, хувьчлах гэдэг бол сайн зүйл биш. Хувь хүнд очино гэдэг дараад нь хэнд ч очиж мэднэ гэсэн үг.