МАН-аас санаачлан зохион байгуулж буй "Бид хамтдаа” үндэсний форум хоёр дахь өдрөө амжилттай үргэлжилж байна. "Бид хамтдаа” хоёр дахь өдрийн сэдэв эдийн засаг. Яг одоо Тусгаар тогтнолын ордонд үргэлжилж буй форум дээр Монгол Улсын Ерөнхий сайд асан, гавьяат эдийн засагч М.Энхсайхан "Супер цикл ба улс төр” сэдвээр илтгэл тавьж байна. Тэрбээр "Монгол байгалийн баялаг уламжлалт аж ахуйтай орон гэдэг. Энэ аж ахуйг хөгжүүлэхийн тулд асар их хөрөнгө оруулалт хэрэгтэй. Асар их энэ хөрөнгө оруулалтыг уул уурайгаа ашиглаж байж босгоно. Монгол асар их байгалийн баялагтай орон л гээд байдаг. Нарийндаа бол нэг ам дөрвөлжин метр газар нутгийн дор буй байгалийн баялгийг хувааривал хөгжингүй орнууд 125.000 ам.доллар, хөгжиж буй орнууд 25.000 ам.доллар, Монгол нэг ам.доллар ч хүрэхгүй байна” хэмээн илтгэлдээ онцолсон юм. Нээлтийн хэлэлцүүлгийн дараагаар 12.00 цагаас "Бид хамтдаа” үндэсний форумын хоёр дахь өдрийн салбар хуралдаанууд үргэлжлэн явагдана.
Д.СҮХ