Ерөнхий сайд Н.Алтанхуягийн охин А.Саранзаяад холбогдох хэргийг АТГ-аас прокурорт шилжүүлэн хянаад гэмт хэргийн бүрэлдэхүүнгүй гэсэн үндэслэлээр хэргийг хэрэгсэхгүй болгосон гэж баттай эх сурвалж мэдээллээ. Энэ талаар прокурорын байгууллагынхан "А.Саранзаяад холбогдох хэргийг АТГ-аас хамгийн сүүлд мэдэгдэл хийж хэвлэлийн хурал зарлахаас өмнө хэрэгсэхгүй болгох тогтоолыг нь гаргасан. Гэтэл АТГ-ынхан ч, Дүүргийн I прокурорын газрынхан ч энэ тухай ам ангайхгүй байна. АТГ-ынхан Л.Гансүхтэй холбоотой хэргийн талаар мэдэгдэл хийхдээ А.Саранзаяагийн хэргийг шалгаж байгаа мэтээр ярьж байсан нь нууцалж буйн илрэл болов уу. Хэргийг хэрэгсэхгүй болгосон тогтоолыг нь Дүүргийн I прокурорын газраас АТГ-т шилжүүлсэн байгаа” гэлээ.