Японы шинэ ерөнхий сайдын тангараг өргөхдөө барьсан гар цүнх тус улсын иргэдийн анхаарлыг ихээр татсанаар, дэлгүүрт байсан ийм загварын бүх цүнх хоёрхон өдрийн дотор зарагдаж дууссан талаар "Japan Times” сонин мэдээллээ. Такаичи Санаигийн барьсан хар өнгийн "Grace Delight Tote” арьсан цүнхийг Токио хотод төвтэй, үйлдвэр нь Наганод байдаг "Hamano Leather Craft” компани үйлдвэрлэжээ. 136,400 иений (895 доллар) үнэтэй, 700 грамм жинтэй, A4 хэмжээтэй зүйл шууд багтах энэ цүнхний дэгжин хэрнээ ажил хэрэгч загвар хүмүүст ихээхэн таалагджээ. Уг цүнхний бүх өнгө зарагдаж дууссаныг компани 24-ний өдөр албан ёсоор мэдээлж, хэрэглэгчдээсээ уучлал гуйсан байна. Японы Либерал ардчилсан намын дарга, 64 настай Такаичи Санаэ өнгөрөгч 21-ний өдөр болсон парламентын санал хураалтаар тус улсын ерөнхий сайдаар сонгогдсон юм.