Ойрын 1-2 өдрүүдэд нутгийн ихэнх хэсгээр их хэмжээний цас орж, зарим аймагт бараг зудны хэмжээнд хүрээд байгаа билээ. Хөвсгөлийн ихэнх нутгаар цас орсон бөгөөд ялангуяа бусад сумдаас харьцангуй их цас унадагаараа алдартай Цэцэрлэг суманд малчдын байдал хүндэрснийг илтгэх зургууд сошл сүлжээгээр тархсаар байна. 

Уг сум Завхантай хил залгадаг, хур тунадас их унадаг, хүйтний эрч нэлээн чангардаг уламжлалтай. Монголын хамгийн хүйтэн цэгт Завханы Тосонцэнгэл тооцогддог учраас түүнтэй залгаа нутгууд ч харьцангуй их хүйтэрдэг талтай. 

Ямартай ч, ноолуурын үнэ ханш өсч байгаад баярлаад ямаануудаа эрт самначихвал иймэрхүү зуднаар бүгд бөндийчихөж магадгүй юм байна шүү!  Жаахан хүлээзнэж, урин дулаан хавар тогттол харзнана байгаа...

Б.Тамир