Монголын жүдочид хоёр алтан медаль хүртээд байна

   Тажикистаны нийслэл Душанбе хотод болж буй жүдо бөхийн “Их дуулга” цуврал тэмцээнд манай улсаас эрэгтэй 10, эмэгтэй 11, нийт 21 жүдоч өрсөлдөж байна. Өчигдөр эмэгтэйчүүдийн -63 кг жинд манай Б.Ганхайч, Л.Энхрийлэн нар аваргын төлөө хоорондоо барилдаж, нэмэлт цагт Б.Ганхайч торгуулиар ялснаар алт, Л.Энхрийлэн мөнгөн медаль хүртлээ. Тэгвэл манай тамирчин Ж.Анударь -48 кг жинд алтан медаль, Т.Ариунзаяа -57 кг жинд мөнгөн медаль, М.Нандин-Эрдэнэ -52 кг жинд хүрэл медаль хүртээд байгаа бөгөөд Монголын баг медалийн чанараар хоёрдугаар байранд жагсаж байна. Дэлхийн чансааны оноо олгох энэ тэмцээнд 34 орны 255 тамирчин оролцож байгаа юм.