Клевленд финалын цувралыг тэргүүлж эхэллээ
NBA-ын Финалын цувралын 3 дах тоглолт Охайо мужийн Клевленд хотноо хүрэлцэн ирж, талбайн эзэд 96:91 харьцаатай ялалт байгуулснаар цувралыг 2:1 болгон тэргүүлж эхэллээ. Тус тоглолтонд ЛеБрон Жэймс 40 оноо, 12 самбар, 8 дамжуулалт өгч бас нэгэн супер тоглолтоо гаргасан бол Австрали холбон тоглогч Меттью Деллаведова 20 оноог авч сайн тоглолт үзүүллээ. Харин Дайчдаас Стефен Көрри өмнөх тоглолтын адил эхний 3 үед тун тааруу тоглож байсан ч 4-р үед сайн тоглолтоо гаргаж оноог ойртуулж чадсан ч төгсгөл хийж чадсангүй. Тэрээр энэ тоглолтонд 27 оноог авсан бол Клэй Томпсон 14 оноог авчээ. 2 багийн цувралын 4 дэх тоглолт ирэх Баасан гарагийн өглөө 10:00 цагаас Клевлендийн талбайд болно
1. ЛеБрон Жеймс болон Меттью Деллаведова нар хамтдаа багийнхаа авсан 96 онооны 76-д ямар нэг байдлаар оролцож өөрсдөө оноо авч, дамжуулалтуудыг өгчээ.
2. Клевленд Кавалиерс баг түүхэндээ анх удаа талбай дээрээ Финалын тоглолтонд ялалт байгууллаа. Мөн тэд талбайдаа хийсэн сүүлийн 29 тоглолтынхоо 27-д ялалт авлаа.
3. Финалын түүхэнд эхний 3 тоглолтын дараа хамгийн өндөр оноо авсан тоглогчдын амжилтанд ЛеБрон Жэймс Рик Берриг гүйцэж 123 оноог эхний 3 тоглолтын дараа аваад байна. Рик Берри 1967 онд 122 оноог авч байжээ.