Японы мэргэжлийн сүмод барилдаж байсан Ичиножёо буюу А.Ичинноров монгол хүүхдүүдэд сүмо бөхийн сургалт явуулахаар болжээ. Чингэлтэй дүүргийн Биеийн тамир, спортын хороотой хамтран зохион байгуулж буй түүний сургалт ирэх хоёрдугаар сарын 2-нд эхлэх бөгөөд 10-16 насны хүүхдүүд хамрагдана. 2014 онд сонирхогчдын сүмогоос мэргэжлийн сүмогийн доороосоо гурав дахь буюу макүшита зиндаанд шууд эллсэн анхны гадаадын бөх болж байсан тэрбээр Ичиножёо Такаши нэрээр барилдаж 2022 оны долоодугаар сард дээд зиндаанд түрүүлэн Эзэн хааны цом хүртэж байв. Ид барилдаж байх үедээ Хакүхо, Харүмафүжи, Кисеносато, Какүрюү нартай олон удаа учраа таарч байсан Ичиножёо 2021 онд Японы иргэн болж, 2023 оны тавдугаар сард зодог тайлсан билээ.