Монгол улсын гавъяат тамирчин Э.Бадар-Ууган энэ өдрүүдэд ОХУ-ын Халимаг, Тува, Буриад улсуудад айлчилж байна. Тэдгээр улсын боксын холбоодын урилгаар айлчилж буй гавъяат тамирчин удахгүй болох Дэлхийн монголчуудын аварга шалгаруулах "Хамаг Монгол” боксын тэмцээний зохион байгуулалт, цаашдын хамтын ажиллагааны асуудлыг хэлэлцэж яваа аж. Ирэх сарын 12-14-нд Монгол бөхийн өргөөнд болох энэ тэмцээний зохион байгуулах хорооны дарга нь Э.Бадар-Ууган өөрөө юм. Уг тэмцээнд 18-40 насны тамирчид 49, 52, 56, 60, 64, 69 кг-ын жинд хүч үзэх бөгөөд жин бүрт тэргүүн байр эзэлсэн тамирчид алтан шармал цом, 1500 долларын шагнал хүртэх бол хоёрдугаар байрт 1000 доллар, хүрэл медалийн эзэнд 500 доллар олгох ажээ.

 Л.Ган

 Эх сурвалж:tonshuul.mn