Сүр дуулиантай нээгдсэн шөнийн гудамж үгүй болж магадгүй гэнэ. Өнөөдрөөс гэрлэн чимэглэлийг нь буулгаж эхэлжээ. Учир нь Сөүлийн гудамж Сөүлийх нь хэвээрээ үлдэх ёстой гэсэн хатуу шаардлага Сөүл хотын захигаанаас  ирж манай дутуу ажил хийдэг "дундуур" ухаантай дарга нарын "онигоо” ахин нэгээр нэмэгдэв бололтой. 2009 онд  Сөүлийн мээр У Сэ Хуны сэтгэл хөдлөн саатсан газрын нэг нь одоогийн Сөүлийн гудамж.

Сүхбаатар дүүргийн нутаг дэвсгэрт УДЭТ-аас Төмөр замын удирдах газар хүртэл 2.9 км үргэлжилдэг энэхүү гудамж Сөүлийн гэсэн нэрээ 1996 оны баяр наадмаар хүртсэн аж. Хотын даргын захирамж гарч ах дүүгийн харилцаат БНСУ-ын нийслэлээр уг гудамжийг нэрлэх болсноор тохижилт, гэрэлтүүлэг, зам засвар, засал чимэглэлд нь солонгосчууд харамгүй санаа тавьж хөрөнгө санхүү чамгүй гаргасан. Энэ хугацаанд солонгосчууд нийтдээ 170 гаруй сая төгрөгийг зарцуулсан тул зүгээр хаяхгүй нь мэдээж болжээ. Гэтэл манай дарга нар энэ гудамжийг "шөнийн" болгохын тулд хотын төсвөөс 1,5 тэрбумыг зарсан гэсэн.

NUUTS.mn