Е март, Чингис зочид буудал гэх мэт газруудаар явлаа. Энэ цаашаа үргэжилнэ” хэмээн хэллээ.  Тэрбээр "Сү.Батболд гишүүнтэй хамаарал бүхий "Тэнгис" кино театр, "Алтай" констракшин, "Алтай" групп,"Алтай гацуурт", "Ар үр Алтай", "Алтай нутгийн хүчтэн" ХХК, "Алтай" холдинг групп, "Алтай кашмир", "Чингис хаан" цогцолбор, "Чингис" зочид буудал, "Скай" их дэлгүүр, "Стар" телевиз, "Скай" трейдинг, "Скайтел" групп, "Скайтел" ХХК, "Скай медиа" корпораци, "Скай нет", "И-Март", "Бороо гоулд" зэрэг маш олон байгууллага байна. 

Тиймээс нэг хүний эрх мэдэлд яагаад ийм олон компани байна, ямар арга замаар хаанаас ямар эх үүсвэрээр дээрх хөрөнгийг бий болгосон талаарх тайлан тайлбарыг ирүүлэхийг хүсч байна” гэв. Үүнээс гадна Сү.Батболд гишүүний хамаарал бүхий компани, хөрөнгийн талаарх мэдээлэл нээлттэй өгөхийг хүссэн бөгөөд АТГыг яаралтай хариу өгөхийг хүсэв. 

Мөн АТГ иргэдийн талд үйл ажиллагаа явуулдаг юм уу, эсвэл эрхтэн ямбатны талд үйлчилдэг юм уу гэдгийг харцгаая. Төр төмбөгөр, Ёс ёмбогор гэдэг. Төрийн үйл хэргийг өөрийн үйл хэргээс дутуу тавьж, түмэн олны эрх ашгийг өөрийн эрх ашгаас дорд үзэж байгаа эрхтэн дархантнуудтай тэмцэх ёстой, цаашдаа тэмцсээр байх болно. Монгол түмний амьдрал өдрөөс өдөрт өрөнд баригдаж байна. Гэтэл энэ хүмүүс өдрөөс өдөрт таргалаад өнгө зүс нэмээд баяжаад байж байна. Тийм учраас авлигтай тэмцэх газар юм уу, авлигыг дэмжигч газар юм уу гэдгийг л харцгаая. 

Ард түмэн минь энэ хүмүүсээс амлалт нэхье. Шинэ цагийн маш гоё толгой холбосон зүйр цэцэн үг хэлж байсан ш дээ. Энийг хүн болгон л санаж байна. Сайн сайхан болгоно гэж амласан амлалт өөр дээр нь хэрэгжээд байна. Хамгийн сүүлийн Ерөнхийлөгчийн сонгуулийг хар. Монгол ялна гэсэн. Монгол ялсан уу. Бүх хүний банкны зээлийг хаана гэсэн, энэ асуудал юу болсон" хэмээн хэллээ.