Олон нийтийн үйл ажиллагаа тэр дундаа хүүхэд залуучуудад чиглэсэн аливаа ажлууд нийгмийн хариуцлагаа дээдлэгч байгууллагуудын хамтын дэмжлэгээр явагддаг. Тэр ч утгаарааМонголын Залуучуудын Байгууллага үүсч хөгжсөний 95 жил, Монголын Залуучуудын Холбооны 25 жилийн ойн хүрээнд залуучуудын байгууллагын үйл ажиллагааг дэмжигч, хамтран ажилладаг байгууллагууддаа талархал илэрхийллээ. Тодруулбал, Залуучуудынхаа дуу хоолойг илэрхийлэх, идэвхи оролцоог нэмэгдүүлэх зорилгоор МЗХ-оос зохион байгуулдаг үйл ажиллагаа, санал санаачилгыг дэмжиж хамтран ажилладаг байгууллагууддаа талархал илэрхийлж МЗХ-ны 95 жилийн ойн медаль болон МЗХ-ны " Хөдөлмөрийн алдар” медалиар шагналаа. Уг үйл ажиллагаанд нийгмийн хариуцлагаа дээдэлдэг төрийн болон төрийн бус байгууллага, хувийн хэвшил, соёл урлаг болон хэвлэл мэдээллийн 60 гаруй байгууллага оролцлоо.

МЗХ-ны 95 жилийн ойн медалиарМонос групп, Монлаа ХХК, Bridge группийн EVERYDAY, Интерактив, Mobicom, Номин холдинг, Атар өргөө ХХК, Сүү ХХК, Нийслэлийн замын цагдаагийн газар, БОСА ХХК, Блю гоулд ХХК, Citynet, Өгөөж ХХК, Чингис шар айраг ХХК, Тэнгэрийн хишиг ХХК, ХҮнс комплекс, UFC групп, АПУ, Голомт банк, Хаан банк бизнес харилцааны хэсэг, "Canondale” унадаг дугуйн дэлгүүр, Gmobile, Төмөр трейд, зэрэг 40 гаруй байгууллага, хэвлэл мэдээлэл болон соёл урлагийн салбараас Сэтгүүлчдийн нэгдсэн эвлэл, Өнөөдөр сонин, Өглөөний сонин, Өдрийн сонин, Зууны мэдээ сонин, Монголын сайтын холбоо, MNB.mn, Ikon.mn, News.mn, Монцамэ агентлаг, VTV телевиз, TV5 телевиз, Eagle телевиз, ТМ телевиз, ТВ10 телевиз, TV8 телевиз, Язгуур нэгдэл, Урлагийн залуучуудын холбоо зэрэг 20-оод байгууллага тус тус шагнагдлаа.

Түүнчлэнзалуучуудын бүхий л үйл ажиллагааг дэмжин, ая дуугаа өргөдөг Увертура хамтлаг, Хүүхэд залуучуудын "Улаан театр” болон язгуур урлагийн Жонон хамтлагт МЗХ-ны "Хөдөлмөрийн Алдар” медалийг мөн гардуулан өглөө.