Испанийн аварга шалгаруулах тэмцээний 18 дахь тойрогт Мадридын алдарт "Реал” баг "Реал Сосьедад" багт хожигдлоо.

Мадрид хотноо Сантьяго Бернабеу цэнгэлдэх хүрээлэнд болсон тоглолт нь 2:0-өөр өндөрлөж, зочид хожив. Виллиан Жозе (3 дахь минут, торгуулийн цохилтоор), Рубен Паро (83) тус тус гоолуудыг оруулсан. Мадридын "Реал”-аас 61 дэх минутанд Лукас Васкес улаан хуудас аван талбайг чөлөөлсөн юм.

30 оноотой Реал Мадрид улсынхаа аваргад 5-р байранд яваа бол өрсөлдөгч Сан-Себастьяны баг (22 оноотой 11-р байр)-нд яваа. Хамгийн сүүлд  2004 оны 5-р сард Мадридын "Реал”-ыг 1: 4-өөр хожиж байсан бол энэ удаа 15 жилийн дараа 2:0-дсон нь энэ.  Ийнхүү Мадридын "Реал” энэ улиралд үнэхээр муу тоглолт үзүүлж байгаагаа дахин нэг харууллаа.

М.Баяр