Испанийн Ла лигийн 11 дүгээр тойргийн үлдсэн тоглолтууд өнгөрсөн шөнө боллоо. Энэ тойрогт хүснэгтийг тэргүүлэгч "Реал Мадрид” клуб талбайдаа "Леганес” клубыг хүлээж авч, 3:0-ээр буулгаж авлаа. Ингэснээр Эзэн хааны баг 27 оноотой болж, тэргүүн байраа хадгалж үлдлээ. Мөн энэ улирал эхлээд ганц ч хожигдоогүй, 8 хожиж, 3 тэнцсэн амжилттай явж байна.

Тоглолтын 38, 45 дахь минутад Гарет Бейл гоолдож, тооны харьцааг нээсэн, холдуулсан. Тэгвэл 76 дахь минутад Мората гүйцээж, багтаа гурван оноо авчирчээ.

Нөгөө талд хүснэгтийн хоёрдугаар байрт бичигдэж байгаа "Барселона” клуб "Севилья”-тай тулж, 1:2-оор буулгаж авлаа. Ингэснээр  25 оноотой болж ирлээ. Харин "Севилья” 21 оноотой хэвээр үлдэж, тавдугаар байрт бичигдэж байна.

Тоглолтын 15 дахь минутад Витоло гоолдож, тооны харьцааг нээсэн. Тэгвэл 43 дахь минутад Месси тэнцүүлж, 61 дэх минутад Суарес хожлын гоол оруулжээ. Ингэснээр энэ хоёр тоглогч хоёулаа 8 гоолтой болж, мэргэн буучийн жагсаалтыг тэргүүлж байна.

Mminfo.mn