Баримт 1. 

Б.Мөнхбат гэж хэн бэ гэдгээс илүүтэй хэний хүн бэ гэдгийг сонирхох нь өнөө цагийнхны араншин юм. Эх сурвалжийн өгүүлснээр бол түүнийг УИХ-ын гишүүн, дархан аварга Б.Бат-эрдэнийн хуурай дүү гэжээ. / "Офшор” MN сайт/

Баримт 3. 

Ингээд бодохоор эрхэм захирлын сарын орлого ямар бол хэмээн сонирхох хүн захаас аван таарах биз. "Монголросцветмет” ТӨҮГ-ын захирлын үндсэн цалин нэг сая 500 мянган төгрөг. Үүнд бүү үнэмшээрэй. Энэ бол өнгөлөн далдалт. Урамшуулал хэмээн сар бүр үндсэн цалин дээр 8000 ам.доллар түүний данс руу урсдаг байна.

Баримт 4. 

Аз нь шовойсон эр гэж түүнийг л хэлэх байх даа. Монгол Улсын хөгжил, улсын эдийн засагт ямар хувь нэмэр оруулдаг нь тодорхой бус тус компанийн дотоод дүрэмд "Гүйцэтгэх удирдлага нь орон байргүй бол түүний байр орон сууц түрээслэх зардлыг байгууллага даах, бусад ахуй хангамжтай холбоотой зардлуудыг дотоод журмаар зохицуулна” гэж заасан байдаг гэнэ. Үүнийг л мань эр овжин ашигласан хэрэг. Өөрөөр хэлбэл, "Монголросцветмет” ТӨҮГ-ын захирлын үүргийг түр орлон гүйцэтгэгч Б.Мөнхбат нь албан тушаалын байдлаа урвуулан ашиглаж, өөртөө давуу байдал бий болгон үндсэн болон урамшууллын нэмэгдэл цалин болох 23,5. сая төгрөгийг гар дээрээ бэлнээр авдаг гэсэн үг. Дээр нь өдрийн хоолны 4,5 сая гэхчилэн бас бус нэмэгдэл орсоор сард 35 сая төгрөг гээд боддоо. Улс орондоо юу бүтээж,юугаар гийгүүлсэн болоод ийм их хэмжээний мөнгийг нэг сард халаасалдаг бол?

Баримт 5. 

Энэ бүхний нууц руу хамтдаа оръё.Эрхэм захирал цалин хангамжийнхаа нэмэгдлийг Төрийн өмчийн хороотой зөвшилцөхгүйгээр Төлөөлөн Удирдах Зөвлөлийнхөө даргатай сэм тохиролцож хийсэн байх юм. Эх үүсвэрийн тухайд удирдлагын хангамжинд тооцдог байр орон сууцгүй бол түрээслэх зардал зэрэг бусад хангамжийн мөнгийг дур мэдэн үндсэн цалин дээрээ нэмж оруулсан нь тогтоогджээ. Төрийн мөнгө ёолдоггүй гэж үнэн шүү.

Баримт 6. 

Хууль журмаараа ТУЗ-ийн хурлаар шийдвэрлэсэн шийдвэр хүчин төгөлдөр байх учиртай. Тэгвэл ТУЗ-ийн даргын дангаараа тал засч гаргасан хууль бус шийдвэр яаж хүчин төгөлдөр байх билээ. Б.Мөнхбат захирлын энэ мэт хууль ёсыг уландаа гишгэсэн увайгүй үйлдэл ганц үүгээр дуусахгүй. Тэр бүхнийг тус тусад товчлон өгүүлбэл, сардаа 35.0 сая төгрөгийн цалин авлаа гээд захирлын сэтгэл ханасангүй.Төрөөс цалин аваад зогсохгүй хоолныхоо мөнгийг бас гаргуулдаг байжээ. Захирал гуайн нэг сарын хоолны хэрэглээний зардал гэхэд л 4,5 сая орчим төгрөг. Тансаг уу.

Баримт 7. 

Ер нь тэрбээр төрөөс төрсөн тэрбумтаны жагсаалтад хэдийнэ багтсан бус уу. Хоолны мөнгөөс авахуулаад бүх зардлаа "МОНГОЛРОСЦВЕТМЕТ” төрийн өмчит компанийн төсвөөс гаргуулсаар иржээ. Мөнхбатад зориулан карт хүртэл бий болгосон байх юм. Түүнийгээ албан хэрэгцээнд зайлшгүй тохиолдолд гүйцэтгэх удирдлагын хэрэглэх ёстой гэж санхүү алба нь тайлбарласан байх юм. Жижигхэн харьцуулалт хийе. Монгол Улсын Ерөнхийлөгчийн өдрийн хоолны зардал 2500 төгрөгөөр төсөвлөгддөг байхад төрийн өмчит компанийн захирлынх арай дэндсэн байгаа биз дээ.

Баримт 8. 

Эдүгээ төрийн өмчит "Монголросцветмет”-ийг хувийнх уу, хувьсгалынх уу гэдгийг ялгаж салгахад бэрхтэй болсон гэнэ. Б.Мөнхбат эхнэрийнхээ төрсөн дүүг байгууллагадаа хуулийн зөвлөхөөр ажилд авч хажуугийнхаа өрөөнд суулгадаг бол баз хүргэнээ жолоочоо болгосон байх жишээний.

Баримт 9 

Б.Мөнхбат захиралд Ерөнхий сайдын үүрэг даалгавар, тушаал шийдвэр хамаагүй бололтой.Түүний албан тушаал, мөнгө хоёртоо эрдэн хууль журмыг үл тоож, намайг хэн яах юм гэсэн байдлаар ажил хэрэгт хандаж ирсэн нь доорхи баримтаар нотлогдож байгаа юм. Монгол Улсын Засгийн газрын 2014 оны 174 дугаар тогтоол, төсвийн хэмнэлтийн горимд шилжүүлэх тухай тогтоолын хавсралт, Сангийн сайдын 2014 оны 122 дугаар тушаалд: "Төсвийн хөрөнгөөр бизнес ангиллын нислэгээр зорчихыг хориглох”- гэсэн заалтыг зөрчиж 2019 оны хоёрдугаар сард Улаанбаатар-Москвагийн чиглэлд аялахдаа байгууллагын зардлаар БИЗНЕС КЛАСС АНГИЛЛААР зорчиж дээрх тогтоол, тушаал шийдвэрийг зөрчжээ.

Баримт 10. 

Захирал Б.Мөнхбат компанийхаа үйл ажиллагааг сайжруулж, ашигт ажиллагааны түвшинг нэмэгдүүлэхийн оронд "юм үзэж нүд тайлаагүй” хүний зангаар ажил хэрэгтээ бус өөрийнхөө унах унаа, өрөө тасалгаа, тавилга сэлтдээ анхаарлаа хандуулсаар иржээ. "МОНГОЛРОСЦВЕТМЕТ” төрийн өмчит компани нь 2017 онд удирдлагын албан хэрэгцээнд зориулж албан ёсны борлуулагч МОННИС-оос Ниссан маркийн сүүлийн үеийн Y61 жийп ангиллын суудлын машин худалдан авчээ. Уг тээврийн хэрэгсэл ямар нэгэн доголдолгүй ашиглагдаж буй. Гэтэл бусад байгууллагын дарга нартай барьцан улсын төсвийн хөрөнгөөр нэмэлт бүх тоноглол бүхий тансаг зэрэглэлийн ЛАНД КРУИЗЕР 200 машиныг 275 сая төгрөгөөр худалдан авахаар хөөцөлдөж эхэлсэн сурагтай.

Баримт 11. 

Ер нь мань эр дээдсийн хүрээлэлд нэр нөлөө бүхий танилуудтай бололтой. Төрийн өмчийн хороо гэх том айлыг хүссэнээрээ байлгадаг байж мэдэхээр баримтууд ч олдлоо. Төрийн өмчийн бодлого, зохицуулалтын газрын хуралдааны 2018 оны аравдугаар сарын 06-ны өдрийн 82 дугаар тогтоолоор "Монголросцветмет” ТӨҮГ-ын гүйцэтгэх захирал Д.Ганболдыг газрын 2018 оны аравдугаар сарын 06-ны өдрөөр тасалбар болгон үүрэгт ажлаас нь чөлөөлж, Авилгатай тэмцэх газрын 2016 оны 01/6893 тоот албан бичгээр ирүүлсэн дүгнэлтийг харгалзан Б.Мөнхбатыг томилж, хөлсөөр ажиллах гэрээг холбогдох хууль, тогтоомжийн дагуу байгуулахыг Төлөөлөн удирдах зөвлөлд даалгасан боловч тус асуудлаар хуралдаагүй байна.

Баримт 12. 

Төрийн өмчийн бодлого, зохицуулалтын газрын 2018 оны аравдугаар сарын 29-ний өдрийн А-1/4178 тоот албан бичгээр "Монголросцветмет”ТӨҮГ-ын Төлөөлөн удирдах зөвлөлийн 2018 оны аравдугаар сарын 30-ны өдрийн хурлаар "Монголросцветмет” ТӨҮГ-ын гүйцэтгэх захирал Д.Ганболдыг үүрэгт ажлаас чөлөөлж, гүйцэтгэх захирлын үүргийг түр орлон гүйцэтгэгчээр Б.Мөнхбатыг томилохыг үүрэг болгосон байна.

Баримт 14. 

Удирдамжийн дагуу "Монголросцветмет” ТӨҮГ-ын Төлөөлөн удирдах зөвлөлийн 2018 оны аравдугаар сарын 30-ны өдрийн 15 дугаар тогтоолоор гүйцэтгэх захирлын асуудал шүүхээр эцэслэн шийдвэрлэх хүртэл гүйцэтгэх захирлын үүргийг түр орлон гүйцэтгэгчээр Б.Мөнхбатыг томилсон байна. Гэвч 2018 оны аравдугаар сарын 30-ны өдөр "Монголросцветмет” -ийн Төлөөлөн удирдах зөвлөл хэлэлцэх асуудлын төлөвлөгөө гаргалгүйгээр хуралдсан байх юм.

Баримт 15. 

Цалин хөлс, урамшууллын асуудлыг гэрээний 4.1 дэх хэсэгт гүйцэтгэх захирал нь 12500 ам.доллар болон 4.5 сая төгрөгийн цалинтай байхаар тогтоож (12500х2650=33,125,000+4,500,000=37,625,000 төгрөгийн нэг сарын цалинтай бөгөөд ам.долларын ханшийн зөрүүнээс хамаарна), ТУЗ-ийн шийдвэрээр уг цалин нь инфляцийн түвшин, үйлдвэрийн бүтээгдэхүүний өсөлт, санхүү эдийн засгийн үзүүлэлт, компанийн үйл ажиллагаанаас хамааран өсөж болохоор заасан байна. Бусад төрлийн ажлын гүйцэтгэлийн урамшууллын асуудлыг контрактын гэрээгээр зохицуулсан байна.

Баримт 16. 

Төрийн өмчийн бодлого, зохицуулалтын газрын 2018 оны арванхоёрдугаар сарын 04-ний өдрийн А-2/4557 тоот албан бичгээр удирдамж, чиглэл өгч Төлөөлөн удирдах зөвлөлийн 2018 оны арванхоёрдугаар сарын 04-ний өдрийн хурлаар гүйцэтгэх захирлын үүргийг түр орлон гүйцэтгэгч Б.Мөнхбаттай контрактын гэрээ байгуулах асуудлыг хэлэлцэн шийдвэрлэхийг үүрэг болгосон байна. Үүний дагуу "Монголросцветмет” ХХК-ийн Төлөөлөн удирдах зөвлөлийн 2018 оны 12 дугаар сарын 04-ний өдрийн хурлаар хэлэлцэх асуудлын төлөвлөгөөг баталсан байна. Үүнд: Цалин, урамшууллыг өмнөх захиралтай харьцуулан харуулбал: /төгрөгөөр/ № Контрактын дагуу авсан цалин, бусад Д.Ганболд Б.Мөнхбат Тайлбар 1 Үндсэн цалин 1,500,000.00 /1,500,000х12= 18,000,000 нэг жилд/ 4,500,000.00 /4,500,000х12= 54,000,000 нэг жилд/ 2 Нэмэгдэл цалин 8,000 $ буюу 19,775,680.00 2018 оны Монгол банкны дундаж ханш 1$=2471.96 /8000х12=96000 ам.доллар нэг жилд/ 12,500$ буюу 32,983,625.00 2019 оны 1-р улирлын Монгол банкны дундаж ханш 1$=2638.69 /12500х12=150000 ам.доллар нэг жилд/ 3 Контрактын 4.11-р заалтын дагуу ээлжийн амралтын тэтгэмж, жилд нэг удаа Жилд 63,827,040.00 Сард 5,318,920.00 0.00 4 Контрактын 4.10-р заалтын дагуу Орон сууцны түрээсийн төлбөр Жилд 54,000,000.00 Сард 4,500,000.00 0.00 5 Контрактын 4.10-р заалтын дагуу Орон сууцны ашиглалтын зардал Нэг сард 678,483.00 Нэг сард 810,485.00 Орон сууцны ашиглалтын зардал 3 сарын дундаж 6 Контрактын 4.1, 4.2 дахь заалтуудыг үндэслэн олгох урамшуулал Жилд 111,618,432.00 Сард 9,301,536.00 0.00 6 сарын цалин хөлстэй тэнцэх хэмжээний урамшуулал Нийт дүн /Төгрөгөөр/ 41,074,619.00 38,294,110.00 Нэг сард авч буй цалин, бусад орлогын дүн

Баримт 17. 

"Монголросцветмет”ТӨҮГ-ын гүйцэтгэх захирлаар ажиллаж байсан Д.Ганболд, гүйцэтгэх захирлаар ажиллаж байгаа Б.Мөнхбат нарын албан ажлын картын хэрэглээний асуудлыг контрактын гэрээгээр зохицуулаагүй бөгөөд холбогдох дүрэм, журмаар зохицуулаагүй, компанийн жилийн нийт зардалд хэрхэн суусан нь тодорхойгүй, зардлын зарцуулалтын баримтыг шалгахад ямар арга хэмжээний зардалд зарцуулсан нь ойлгомжгүй байдалтай байна. Картын сүүлийн 5 сарын хэрэглээний байдлаар харьцуулан харуулбал: /Төгрөгөөр/ № Зочид төлөөлөгч хүлээн авах зардал Д.Ганболд Б.Мөнхбат Тайлбар 1 2018 оны 6 сар 1 858 765.26 – 2 2018 оны 7 сар 20 781 725.36 – 3 2018 оны 8 сар 987 723.24 – 2018 оны 8-р сард нийт 4,165,395.58 төгрөгийн зарлага гарч үүнээс 3,177,670.34 төгрөгийг цалингаас суутган тооцсон 4 2018 оны 9 сар 30 430.95 – 2018 оны 9-р сард нийт 7,856,263.58 төгрөгийн зарлага гарч үүнээс 7,825,687.51 төгрөгийг цалингаас суутган тооцсон 5 2018 оны 10 сар 1 423 820.24 – 1 2018 оны 11 сар – 4 814 283.06 2 2018 оны 12 сар – 5 297 989.24 3 2019 оны 1 сар – 13 795 824.19 4 2019 оны 2 сар – 3 983 119.48 5 2019 оны 3 сар – 5 078 718.45 Нийт 25 172 465.05 32 969 934.42

Баримт 18. 

Төрийн өмчийн бодлого, зохицуулалтын газрын хуралдааны 2018 оны аравдугаар дугаар сарын 06-ны өдрийн 82 дугаар тогтоол, Төрийн өмчийн бодлого, зохицуулалтын газрын 2018 оны аравдугаар сарын 29-ний өдрийн А-1/4178, Төрийн өмчийн бодлого, зохицуулалтын газрын 2018 оны арванхоёрдугаар сарын 04-ний өдрийн А-2/4557 тоот албан бичгүүдээр өгсөн үүрэг даалгаврыг "Монголросцветмет” ТӨҮГ-ын Төлөөлөн удирдах зөвлөлийн төрийн төлөөлөл хэрэгжүүлж буй гишүүд хэрэгжүүлж ажлаагүй бөгөөд контрактын гэрээний асуудлыг хурлаар хэлэлцээгүй өнөөдрийг хүрчээ.

Баримт 19. 

"Монголросцветмет” ТӨҮГ-ын гүйцэтгэх захирлын үүргийг түр орлон гүйцэтгэгч Б.Мөнхбаттай байгуулсан контрактын гэрээний хугацаа 2019 оны дөрөвдүгээр сарын 1-ний өдрөөр дуусчээ. Гэвч мань ажилласаар, цалингаа авсаар.

Баримт 20. 

Төрийн өмчийн бодлого, зохицуулалтын газрын 2019 оны дөрөвдүгээр сарын 2-ны өдрийн 90 дугаар тогтоолоор "Монголросцветмет” ТӨҮГ-ын гүйцэтгэх захирлаар Б.Мөнхбатыг томилсон бөгөөд контрактын гэрээ байгуулж ажиллахыг даалгасан боловч 2019 оны дөрөвдүгээр сарын 26-ны өдрөөс өнөөдрийг хүртэл ямар нэг байдлаар гэрээ байгуулаагүй явж байна.

Баримт 21. 

"Монголросцветмет”-ийн гүйцэтгэх захирлаар ажиллаж байсан Д.Ганболд, гүйцэтгэх захирлын түр орлон гүйцэтгэгчээр ажиллаж байгаа Б.Мөнхбат нарын албан ажлын картын хэрэглээний асуудлыг контрактын гэрээгээр зохицуулаагүй атлаа холбогдох зардлыг тайландаа тусгасаар ирсэн байна.

Баримт 22. 

Аливаа гэрээ хэлцэлд орохдоо ТУЗ-ийн зөвшөөрсөн хэм хэмжээнд гэрээ байгуулах эрхтэй. Гэтэл Б.Мөнхбат нь 2018 оны арваннэгдүгээр сарын 29, 30-ны өдрүүдэд хууль бус эрх мэдлээ хэтрүүлсэн гэрээг байгуулсан байна. Энэхүү гэрээ нь 23,991,000 долларын үнийн дүнтэй гэрээ юм. Компанийн захирал нь нийт хөрөнгийн 25 хувиас хэтрэхгүй дүнтэй гэрээ байгуулах эрхтэй бөгөөд иймэрхүү өндөр дүнтэй гэрээг ТУЗ-ийн хурлаар оруулж ТУЗ зөвшөөрсний үндсэн дээр байгуулдаг журамтай аж. Гэтэл Б.Мөнхбат нь албан тушаалаа хэтрүүлэн ашиглаж ТУЗ-ийн шийдвэргүйгээр ОХУ-ын "Глаполимер” компанитай 35000 тонн жоншны /фф-95б/ маркийн баяжмалыг худалдах, худалдан авах гэрээг байгуулжээ.Тус гэрээ нь тухайн үеийн жоншны ханшнаас хямд үнээр алдагдалтай гэрээ болсон бөгөөд жоншны борлуулалтаас компанийн олох орлого ашигт гэрээн дээрх дүнгээр ханшийн зөрүүнээс тооцоолол хийж үзэхэд борлуулалтын орлого ойролцоогоор 100,000,000,000 /нэг зуун тэрбум/ орчим төгрөгийн алдагдалтай болжээ

Баримт 23. 

"Монголросцветмет” ТӨҮГ-ын жоншны баяжмалын гол худалдан авагч ОХУ-ын "ГалоПолимер Пермь” компанитай 2017 оны дөрөвдүгээр дүгээр сарын 20-ны өдөр UR-2017-01- 15 дугаар гэрээ байгуулж, 13500 тонн жоншны баяжмалыг 286 ам.доллароор борлуулсан. 2017 оны арваннэгдүгээр сарын 21-ний өдөр байгуулсан нэмэлт №3 гэрээгээр 25000 тонн жоншны баяжмалыг 286 ам.доллароор борлуулах гэрээ байгуулж, 22500 тонныг 286 ам.доллароор, үлдэгдэл 2500 тонныг 2018 оны арваннэгдүгээр сарын 29-ний өдрийн өөрчлөлт оруулсан гэрээний дагуу 330 ам.доллароор борлуулсан байна.

Баримт 24. 

Жоншны баяжмалыг 330 ам.доллароор нийлүүлэх болсон тухайд, "Монголросцветмет” ТӨҮГ-ын 2018 оны аравдугаар сарын 15-ны өдрийн 1/1361 тоот албан бичгээр Уул уурхай, хүнд үйлдвэрийн яамны Төрийн нарийн бичгийн дарга, "Монголросцветмет”ТӨҮГ-ын Төлөөлөн удирдах зөвлөлийн даргын шийдвэрээр ФФ95Б маркийн жоншны баяжмалыг 286 ам.доллароор борлуулж байсныг 330 ам.доллароор борлуулах саналыг нөгөө талд тавиад байгаа ч асуудал өнөөдрийг хүртэл шийдэгдээгүй байна. Ийм л захирал "Монголросцветмет”ТӨҮГ-ыг удирдаж байна даа.

Эх сурвалж: 24 barimt.mn