Дуурь бүжгийн эрдмийн театрын уран бүтээлчид энэ амралтын өдрүүдэд буюу дөрөвдүгээр сарын 8, 9-нд "Учиртай гурван толгой” дуурийг толилуулах гэж байна.

Их зохиолч Д.Нацагдоржийн "Учиртай гурван толгой” зохиолыг 1934 онд "Бөмбөгөр ногоон” театрын тайзнаа жүжиг, 1942 онд "Учиртай гурван толгой” хөгжимт жүжиг, 1950 онд аялгуут жүжиг, 1976 онд "Учиртай гурван толгой” дуурь хэлбэрээр тавьжээ.

Үндэсний бахархалт бүтээл "Учиртай гурван толгой” дуурийг хөгшид залуус, хүүхэд багачууд бүгд үзэх дуртай билээ.

Тиймээс ч Юндэн, Нансалмаа, Балганы түүхийг сонсоогүй нэг ч Монгол хүн байхгүй байх.

Эртнээс Монголын сайхан эрийн шинжийг Юндэнгээр, сайхан эмэгтэйн шинжийг Нансалмаагаар төлөөлж ирсэн. "Учиртай гурван толгой” дууриа та энэ амралтын өдрүүдэд алдалгүй үзээрэй.

Юндэнд Э.Бумхүү, Л.Бүүвэйбаатар, Нансалмаад Б.Энхнаран, М.Дариймаа, Хоролмаад гавьяат жүжигчин С.Мөнгөнцэцэг, Н.Туяа нар гоцолно.

Удирдаач: ЦГансүх (соёлын тэргүүний ажилтан) 

Найруулагч: Л.Эрдэнэбулган (урлагийн гавьяат зүтгэлтэн)

Зураач: Ч.Гунгаасүх (ардын зураач)

Бүжиг дэглээч: Б.Гүрбазар