Энэ амралтын өдрүүдэд “Учиртай гурван толгой” дуурьтай

2022/10/12

Дуурь бүжгийн эрдмийн театрын уран бүтээлчид энэ амралтын өдрүүдэд буюу аравдугаар сарын 15, 16-нд "Учиртай гурван толгой” гурван бүлэг, таван үзэгдэлт дуурийг толилуулах гэж байна. Хайр сэтгэл, хүмүүсийн зан чанар, тухайн үеийн нийгмийн тусгал болсон энэхүү дуурь ДБЭТ-ын тайзнаа 1934 оны аравдугаар сарын 21-нд тавигдсан бөгөөд 87 жил болж байна.

Үргэлжлэх хугацаа: 2 цаг

Насны ангилал: 8+

Хөгжим: Б.Смирнов, Б.Дамдинсүрэн

Цомнол: Д.Нацагдорж

Удирдаач: Ц.Гансүх

Найруулагч: Л.Эрдэнэбулган /урлагийн гавьяат зүтгэлтэн/

Ерөнхий зураач: Ч.Гунгаасүх /ардын зураач/

Хөтлөх найруулагч: Б.Цэрэндаваа

Дүрүүд:

• Юндэн (Жирийн ард) – баритон

• Нансалмаа (Юндэнгийн сүйт бүсгүй) – сопрано

• Хоролмаа (Юндэнд сэтгэлтэй бүсгүй) – сопрано

• Балган (Хошуу ноён) – басс

• Худалдаачин – баритон

• Дууч - тенор

• Бүүвэйч - меццо-сопрано

• Ард өвгөн – баритон

• Замын тосуул

• Согтуу ноён

• Балганы дагуулууд

• Хатад

• Лам

• Юндэнгийн дагуулууд

• Хуурч

Харц ард, ноёд, түшмэд, эхнэр, хатад, ноёны зарц, дагуулуудад найрал дуучид болон балетын жүжигчид оролцон тоглож, симфони найрал хөгжим хөгжимдөнө. Энэхүү үндэсний бахархалт бүтээл "Учиртай гурван толгой” дуурийг хөгшид залуус, хүүхэд багачууд бүгд үзэх дуртай. Эртнээс Монголын сайхан эрийн шинжийг Юндэнгээр, сайхан эмэгтэйн шинжийг Нансалмаагаар төлөөлж ирсэн юм.

Эх сурвалж: Eagle.mn

Publisher - The most Powerful and Beautiful WordPress Magazine Theme 2017

Энэ амралтын өдрүүдэд “Учиртай гурван толгой” дуурьтай