Ботоксгүйгээр нүдний эргэн тойрны үрчлээ арилгах аргыг www.health.com танилцуулж байна. Хорвоогийн хуулиар нас ахих тусам үрчлээ нэг хоёроор нэмэгдддэг. Үрчлээ нэмэгдэх бүрт нүүрэндээ ботокс тариа хийлгээд байх хэцүү.

Магадгүй та үрчлээ арилгахын тулд ботоксын талаар бодож байгаа бол түр азнаарай. Эхлээд үрчлээ арилгах байгалийн аргыг эхлээд бодоод үзээрэй. Одооноос байгалийн аргыг хэрэглээд үзвэл үрчлээг багасгаж болох юм.

1.Витамин A

Витамин A-ийг хэрэглэх нь үрчлээнээс урдьчилан сэргийлэх сайн аргуудын нэг бөгөөд батганд хүртэл сайн үр дүнтэй байна. Витамин A нь beta-carotene хэлбэрээр лууван, хулуу, чихэрлэг төмс, тарвас зэрэг жимс ногоонд байдаг байна. Витамин хэлбэрээр beta-carotene нь арьсыг гэрэлтсэн, өнгөц үрчлээг багасгахад тус болдог байна.

2. Ногоон хүнс

Ногоон хүнсний ногоо нь Витамин A ээс гадна үрчлээний эсрэг тэмцэж чадах тэжээлийн элементүүд орсон байдаг байна. Хлорофос нь ногооноос нээсэн ногоон өнгөтэй пигмент бөгөөд шим тэжээл гоо сайхны найрлагыг агуулж байдаг байна. Ногоон өнгөтэй хүнсний ногоогоор жүүс хийж ууж болох бөгөөд өнгөц үрчлээг багасгаж арьс сайжруулах батга арилгах үр дүнтэй байдаг байна. Түүнээс гадна навч ихтэй ногоо нь жимс ногооны эслэг ихтэй учраас хоол боловсруулах үйл ажиллагаанд туслана.

3.Нүдний эргэн тойронд

Зовхины үрчлээнд зовхины тос ихээхэн хэрэглэдэг. Үнэтэй зовхины тосны оронд органик коко тосыг хэрэглэх бас нэгэн сайн арга юм. Коко тосонд тосны хүчил нь арьсыг гоё болгодог байна. Ихэнхи хүмүүс нүдний эргэн тойронд коко тос түрхвэл арьс сайжрахыг харах болно. Гэхдээ нүүрэнд бүхэлд нь түрхэж болохгүй нүдний эргэн тойронд л түрхэх хэрэгтэй.

4.Уураг

Арьсанд уураг хамгийн чухал юм. Өдөр бүр уураг хэрэглэх нь сайн юм. Уураг нь бие дотор инсулины хэмжээг хэвийн төвшинд барьж цусны сахарын хэмжээг хэвийн байлгахад туслахаас гадна биед коллаген үйлдвэрлэлтийг дэмжиж байдаг байна. Коллаген нь арьсыг зөөлөн уян хатан болгон чангалж өгснөөр өнгөц үрчлээнээс сэргийлдэг байна.

Коллаген нь уурагнаас эхлэн бий болдог байна.

5. Хангалттай унтаж амрах

Өнгөц үрчлээнээс урьдчилан сэргийлэхийн тулд бидний бие хангалттай унтаж амрах хэрэгтэй. Яагаад гэвэл арьсны эсүүдийн нөхөн төлжилт унтаж байх хугацаанд бий болдог учраас. Мэдээж их унтлаа гээд залуу харагдахгүй ч үрчлээг бага гаргаж болох юм. Стресс авахгүй ядрахгүй байвал арьсанд эрч хүч цацарч гэрэлтсэн харагдахыг мэдэж байгаа биздээ?

Өдөрт 7-8 цаг орчим хангалттай унтах хэрэгтэй байдаг байна.

6.Эрүүл мэндэд сайн өөх тос

Тослог багатай хүнсний бүтээгдэхүүн нь үрчлээ багасгах тал дээр найдаад хэрэггүй. Тэглээ гээд өөх тосыг хэтрүүлэн хэрэглэж болохгүй бөгөөд үзэсгэлэнтэй арьсны төлөө өдөр бүр бага хэмжээний сайн өөх тосыг хэрэглэх хэрэгтэй. Хушга самар коко хар шоколад зэргээс олж болно. Мөн хулд загас яргай загас зэрэг загаснууд сайн гэнэ.

Б.Дэжид