Н.Алтанхуяг нэр дэвших эрхээ авчээ
АН-ын аймаг, дүүргийн намын хороод өчигдрөөс эхлэн эрчимтэй хуралдаж УИХ-ын сонгуульд нэр дэвшигчдээ тодруулж байна. Одоо гурван аймаг, гурван дүүрэг л мандатын тохироогоо гаргаж амжаагүй байгаа юм.
Тухайлбал, Сэлэнгэ аймгаас УИХ-ын гишүүн С.Баярцогт, Аж үйлдвэрийн сайд Д.Эрдэнэбат, Шим группийн Ерөнхийлөгч Л.Цандэлэг нарыг нэр дэвшүүлэхээр болсон.
Тэгвэл Увс аймгийн Ардчилсан намын хороо нэр дэвшигчдээ тодруулжээ. Тус аймгаас УИХ-ын гишүүн, экс Ерөнхий сайд Н.Алтанхуяг, түүний зөвлөхөөр ажиллаж байсан "Тэсо”-гийн ерөнхийлөгч О.Цогтгэрэл, Эрчим хүчний зохицуулах хорооны дарга С.Отгонбаяр нар нэр дэвших мандатаа авчээ.
Мөн Сүхбаатар дүүрэгт УИХ-ын гишүүн Х.Тэмүүжин, Р.Амаржаргал, Л.Гантөмөр нараас гадна Худалдаа хөгжлийн банкны захирал Б.Мэдрээ нар өрсөлдөхөөр болжээ. Харин Ховд аймагт УИХ-ын гишүүн Д.Батцогт, Ш.Адьшаа, Д.Пүрэвдорж нарыг тус тус явуулах шийдвэр гарсан байна.