Монголд анх удаа улстөрчдийн дүрийн судалгааг хийжээ. Энэ судалгаагаар сонгуульд нэр дэвшигчдийн хувийн байдлыг нийтэд харуулж байгаа юм. Мэргэжлийн судлаачдын хийж байгаа энэ судалгааны эхний хэсэг Архангай, Хэнтий аймагт хийгджээ. Судалгаанаас үзэхэд, архангай аймгаас улсын их хурлын 2016 оны сонгуульд 30 гаруй хүн нэр дэвших эрмэлзэлтэй байна. Эдгээрээс сонгогчдын дунд хамгийн өндөр ретингийг Монгол ардын намын ерөнхий нарийн бичгийн дарга Ж.Мөнхбат, түүний араас нийгмийн ардчилал монголын залуучуудын холбооны тэргүүн Г.Тэмүүлэн, Эрүүл мэндийн яамны сайд асан Н.Удвал гэх мэтчилэнгээр үргэлжилж байна. Хэнтий аймгийн хувьд ирэх оны сонгуульд 28 хүн нэр дэвших сонирхолтой байгаа. Эдгээрээс хамгийн өндөр ретингийг Улсын их хурлын гишүүн Г.Гарамгайбаатар, түүний араас улсын их хурлын гишүүн Б.Бат Эрдэнэ, харин гуравт ерөнхий сайдын зөвлөх асан М.Хүдэрбаатар орж байна. Дүрийн судалгаанаас харахад, Хэнтийчүүд Г.Гарамгайбаатарыг намдаа төдийгүй улсын их хуралд нөлөөтэй, мөн тойрогтоо хийсэн ажилтай гэсэн эерэг үнэлгээ өгч байгаа. Харин дэмжихгүй байгаа хэсэг нь нутаг руугаа тавьсан замаа ядаж янзалдаггүй. Одоо насан ч явсан. Юм хийх байсан бол тэр боломжийг нь олгосон одоо залууст зай тавьж өгөх хэрэгтэй. Одоо баячуудыг биш залуусыг дэмжих болсон. Г.Гарамгайбаатарын хувьд компаниа л боддог хүн гэжээ. Харин удаалж байгаа Б.Бат-Эрдэнэ гишүүний хувьд Монгол орны төлөө буруу зүйлтэй сайн тэмцдэг. Ерөнхийлөгчийн сонгуульд хүртэл дэвшиж байсан. Магадгүй дараагийн Ерөнхийлөгч болохыг нь үгүйсгэхгүй гэжээ. Дэмжихгүй байгаа иргэдийн хувьд нутагтаа юу ч хийдэггүй, "хаялаггүй”, сонгуулиар л нутагтаа ирдэг гэсэн байна. Харин эрхэм гишүүдийн араас нэрлэгдэж байгаа Ерөнхий сайд асан Н.Алтанхуягийн зөвлөх байсан М.Хүдэрбаатарыг "Их зангүй, нөхөрсөг, хэнийг ч ялгалгүй харьцдаг. Аймагтаа их ирж, нутгийнхандаа тусалдаг гэжээ. Энэ мэтчилэнгээр 21 аймагт судалгааны баг ажиллаж, сонгогчдоос өгч байгаа үнэлгээгээр ирэх сонгуульд нэр дэвшихээр горилогчдын дүрийг тодорхойлох нь.