Л.ХЭРЛЭН

АН их хурлаараа  хэлэлцэж буй дүрмийн шинэтгэлдээ дэд даргатай  байхаар  ярьж байна. Дэд даргын томилгоог квотоор эмэгтэй гишүүддээ өгөх, өөрөөр хэлбэл хүйс заасан  өөрчлөлтийг оруулсан  байна. Өнөөдөр болох хурлаар Үндсэн дүрмийн шинэтгэлийг хэвээр баталбал АН эмэгтэй дэд даргатай болно. Тэгэхээр хэн байх вэ гэдэг нэгдүгээр асуудал, харин томилгоог ҮЗХ-ноос уу, Их хурлаас хийх үү гэдэг нь дараагийн асуудал хэмээн гишүүд ярьж байна.

АН-ын дэд дарга болох магадлалтай эмэгтэй гишүүн  УИХ-ын гишүүн асан М.Батчимэг, Ц.Оюунгэрэл,  туршлага, зангарыг  харвал УИХ-ын гишүүн асан Б.Мөнтуяа, давхар албан тушаал хашиж болохгүй гэхгүй бол УИХ-ын гишүүн З.Нарантуяа, Баянгол дүүргийн Засаг дарга С.Одонтуяа, намын рейтингт  муугаар нөлөөлсөн гэсэн хариуцлагын асуудал яригдахгүй бол "Монос”-ын Л.Эрдэнэчимэг   нар бий.

Эх сурвалж: www.polit.mn