Берлин хотод Зул сарын яармаг болох үеэр үйлчлүүлэгч нарыг ачааны машинаар дайрсан жолооч одоо хүртэл баригдаагүй бөгөөд түүний тухай тодорхой мэдээлэл ч байхгүйг тусгай алба дахь эх сурвалж ярьсан гэж Die Welt сонин мягмар гарагт мэдэгджээ.

"Бид буруу хүнийг барьсан байна. Жинхэнэ хэрэгтэн зэвсэглэсэн чөлөөтэй явж байна... Тэр дахин гэмт хэрэг үйлдэж магадгүй” гэж эх сурвалж мэдээлжээ.  Өөрөөр хэлбэл, сүүлийн арван хэдэн цагийн турш дэлхийгээр мэдээлж байсан мэдээлэл талаар болж байна.

Үүний өмнө, Берлин хотод террорыг 23 настай Навед Б гэх пакистан үйлдсэн гэж байв. Хүмүүсийг дайрсан машин шон мөргөн зогсоход жолооч нь нуугджээ. Машины бүхээгт байсан өөр нэг хүн нь польш жолооч бололтой. Түүнийг гар буугаар буудан  хөнөөсөн байна. Энэ террорын үеэр 12 хүний амь үрэгдэж, 48 хүн шархаджээ.

Ш.МЯГМАР