Өчигдөр Улаанбаатар хотын Замын цагдаагийн газрын ЖШУХ дээр нийт 272 дуудлага, мэдээ мэдээлэл хүлээн авснаас зам тээврийн ослын 193 дуудлага бүртгэгдсэн байна. Үүнээс гэмт хэргийн шинжтэй гомдол мэдээлэл 7 бүртгэгдэж, 9 хүн хүнд, хөнгөн гэмтсэн. Зам тээврийн осолд сургуулийн өмнөх насны 1, сургуулийн насны 2 хүүхэд өртсөн. Согтууруулах ундааны зүйл хэрэглэсэн үедээ хөдөлгөөнд оролцсон жолооч 2, Согтуугаар тээврийн хэрэгсэл жолоодсон 43 жолоочийг журамлан гарч болзошгүй осол хэргээс урьдчилан сэргийлж ажилласан байна.

Тухайлбал: БГД-ийн нутаг Шар хадны зам, "Тэнгис” авто угаалгын урд замд T.Prius маркийн авто машины жолооч М нь согтууруулах ундааны зүйл хэрэглэсэн үедээ тээврийн хэрэгсэл жолоодон "T.Vitz” маркийн П, "T.Sprinter” маркийн И жолоочтой авто машинуудтай мөргөлдөж зорчигч 36 настай эмэгтэй Б нарын 2 хүн гэмтсэн. Мөн БГД-ийн нутаг Хасбаатарын гудамж Хорооллын 24-р байрны урд замд T.Prius маркийн авто машины жолооч О нь 5 настай эмэгтэй Х-г мөргөж гэмтээжээ.

О.Сайхан