Скүүтер, мопедыг авто замын зорчих хэсгээр явуулна

2025 оны аравдугаар сарын 20-ны өдрөөс 2026 оны дөрөвдүгээр сарын 10-ны өдрийг хүртэлх хугацаанд скүүтер, мопед, цахилгаан дугуй унасан иргэнийг авто замын хөдөлгөөнд оролцуулахгүй байх шийдвэр гарч хэрэгжиж байгаа. Сар хагасын дараа скүүтер, мопед, цахилгаан дугуйн хөдөлгөөн эхэлнэ. Үүнтэй холбогдуулан хөдөлгөөний аюулгүй байдлыг хангах чиглэлээр тодорхой ажлууд хийхийг НИТХ-ын дарга А.Баяр холбогдох байгууллагуудад чиглэл болгожээ. Тухайлбал, явган зорчигчдын аюулгүй байдлыг хангахад анхаарч, скүүтер, мопедыг авто замын зорчих хэсгээр явуулдаг болгох асуудлыг тавьж байгаа аж.