В.Путины хэвлэлийн төлөөлөгч Дмитри Песков өнгөрсөн бямба гарагт Италийн Турин хотын өвлийн олимпийн аварга, уран гулгалтын тамирчинтай гэрлэж, нижгэр хурим хийсэн билээ.

Хуримынхаа үеэр тэрбээр 620 долларын үнэтэй "Richard Mille RM 52-01” загварын цаг зүүсэн нь олон хүний анхаарлыг татаж, шуугиан тариад байгаа аж. Уг цагийг 30 ширхэг л үйлдвэрлэсэн аж. Д.Песков өнгөрсөн оны байдлаар 147 мянган долларын хөрөнгөтэй хэмээн орлогын мэдүүлэг өгчээ.

Гэхдээ ийм хэмжээний хөрөнгөтэй хүн 620 мянган долларын цаг зүүж яваа нь олон хүний гайхширалыг төрүүлээд байгаа ажээ. Тиймээс тус улсын Авлигатай тэмцэх газраас Д.Песковийн хөрөнгийн мэдүүлгийг дахин шалгаж үзэхээр болжээ. Оросын сөрөг хүчний намын удирдагч Навални "Тэр өөрийн хөрөнгөөрөө байшин худалдаж авч чадах байх гэхдээ тийм үнэтэй цаг авч чадах болов уу даа” хэмээн өөрийн олон нийтийн сүлжээний хуудсанд бичжээ.

Харин түүний гэргий Навка энэ мэдээллийг баталж "Би хуримаа хийхээсээ өмнө түүнд хайртай гэдгээ хэрхэн илэрхийлэх тухай бодсон. Тэгээд би түүнд цаг авч өгье хэмээн шийдээд авч өгсөн юм. Гэхдээ энэ цаг хүмүүсийн яриад байгаа шиг тийм үнэтэй биш шүү дээ” хэмээжээ.