АНУ-ын бизнес мэдээллийн "CEO World” сэтгүүл дэлхийн хамгийн нөлөө бүхий улсуудын жагсаалтыг гаргажээ. Жагсаалтад дэлхийн 190 орныг хамруулж, улс төрийн байдал, эдийн засгийн нөлөө, батлан ​​хамгаалахын төсөв, соёлын нөлөө, цэргийн хүч зэрэг хүчин зүйлүүдэд тулгуурлан үнэлгээ тогтоодог ажээ. Жагсаалтыг 95.36 оноогоор АНУ тэргүүлсэн бол Хятад (94.86), ОХУ (94.81) хоёр, гуравдугаарт оржээ. Улмаар Энэтхэг (94.76) дөрөвдүгээрт, Их Британи (94.56) тавдугаарт, Япон (94.31) зургаадугаар байрт орсон бол Өмнөд Солонгос улс өмнөх жилээс нэг байр урагшилж, 94.18 оноогоор долоодугаар байрт эрэмбэлэгдсэн байна. Эдгээр улс нь дотоодын аж үйлдвэрийн чадавх, бүс нутгийн нөлөө, найрсаг харилцаатай орнуудын эвсэлд тулгуурлан дэлхийн дэг журамд голлох нөлөө үзүүлж байгааг сэтгүүл онцолжээ. Уг зэрэглэлийг тогтоохын тулд олон улсын байгууллага, эдийн засгийн хүрээлэнгүүдийн судалгааны үр дүн, мэдээлэлд үндэслэхээс гадна дэлхийн даяар 296,400 хүнээс утсаар болон цахим сүлжээгээр санал асуулга авч эцсийн оноог гаргасан байна.