1998 онд Вашингтон хотын гал сөнөөгч Майк Хьюз шатаж байсан байшингаас есөн сартай Даниэль Дэвисон охиныг аварчээ. Ингээд тэр явдлаас хойш 17 жилийн дараа мань эр охиныг ямаршуухан аж төрж байгааг мэдэхээр хайж эхэлжээ. Охиныг олоход түүнд фэйсбүүк тус болсон байна.

М.Хьюз охин руу "Би чамайг бяцхан охин байхад чинь галаас аварсан хүн байна" хэмээн мессеж илгээсэн ба Д.Дэвисон өөрийн аврагчаа олсондоо маш их баярлажээ.

Даниэль Дэвисон энэ жил коллежоо төгссөн бөгөөд төгсөлтийн баяр дээр өөрийн аврагчаа урьсан гэнэ. Тэрбээр хэлэхдээ: Төгсөлтийн баярт минь ирсэн хүмүүстээ баярлалаа. Энд ирсэн хамгийн онцгой хүмүүсийн минь нэг бол Майк юм. Та миний амийг авраагүй бол би өдийд энд зогсохгүй байх байсан. Үүнийг бодох бүрт нүдэнд минь аз жаргалын нулимс тодордог. Та миний хувьд ааваас минь дутуугүй ачтан” хэмээн хэлжээ.