ЦЭРГИЙН НААДАМ ИРЭХ НЯМ ГАРАГТ БОЛНО
Ирэх амралтын өдрүүдэд сумын цолтон болон аймаг цэргийн цолтнуудын барилдаан болно. Сар бүр зохион байгуулагддаг сумын цолтой болон цолгүй залуу бөхчүүдийн хаалтын барилдаан 6-р сарын 13-ны бямба гарагт 12 цагаас, Цэргийн цол чимэг олгодог "Бүх цэргийн наадам”-ын үндэсний бөхийн барилдаан 6-р сарын 14-ний өдөр 14 цагаас Монгол бөхийн өргөөнд тус тус болно.
Цол олгодгоороо онцлогтой бүх цэргийн наадамд хүчний байгууллагуудын харьяа аймаг цэрэг, сумын цолтой 256 бөх зодоглож цолны төлөө өрсөлдөх юм.