Өчигдөр 21.00 цагийн үед Сонгинохайрхан дүүргийн хоёрдугаар хороо, Наран голын зам, Орбитын 47-дугаар гудамжинд амины Toyota Mark-II автомашины жолооч "Ц” нь 46-2 тоот хашааг мөргөж, явган зорчигч Сонгинохайрхан дүүргийн хоёрдугаар хороо, Орбитын 46-2 тоотод оршин суух хоёр настай эрэгтэй хүүхдийг гэмтээжээ.

Жолооч "Ц” нь согтууруулах ундааны зүйл хэрэглэсэн үедээ тээврийн хэрэгсэл жолоодсон бөгөөд согтуурлын зэрэг нь /Др:2.45%/ байсан байна.

Мөн Баянзүрх дүүргийн дөрөвдүгээр хороо, Энхтайваны өргөн чөлөө, Стандартчлал, хэмжил зүйн үндэсний төвийн урд замд Toyota Platz автомашины жолооч "Ч” нь мод мөргөсөн осол гаргажээ.

Иймд хүн бүр Монгол улсын замын хөдөлгөөний дүрмийг биелүүлж, архи согтууруулах ундааны зүйл хэрэглэсэн бол тээврийн хэрэгсэл жолоодохгүй байх, хурд хэтрүүлэхгүй байх, хамгаалах бүсээ зүүх замын хөдөлгөөний аюулгүй байдлыг хангах нь хөдөлгөөнд оролцогчдын чухал үүрэг болоод байгааг Замын цагдаагийн газраас анхааруулж байна.