СТА дуучин Э.Болор-Уянга "ladies summer night" нэртэй тоглолтоо хийх гэж байна. Тоглолт зургаадугаар сарын 7-нд "Corporate" зочид буудлын "Cosmopolis lounge"-д болно.

Дуучин маань өөрийн "Энэ миний огторгуйд" шинэ цомогтоо орсон дуугаа толилуулах юм. Мөн  МУ-ын Гавъяат жүжигчин, дуучин Б.Сарантуяа, ая зохиогч, дуучин Б.Ангирмаа, дуулсан дуу болгон нь хит болдог дуучин Б.Баярцэцэг, олон сайхан жүжгийн дууг амилуулан сонсогчдын хүртээл болгосон жазз дуучин Ц.Хулан, дуучин Н.Наранбаатар /Наагий/, Radio DJ Ялалт нар тоглолтод оролцож ая дууныхаа дээжээс хүргэх юм байна.

Тохьтой орчинд, дуртай дуучидтайгаа хамт цагаа сайхан өнгөрөөх алтан боломжийг бүү алдаарай. Дашрамд дурдахад энэ өдөр дуучин бүсгүйн маань төрсөн өдөр тохиож байгаа юм байна.

Авъяаслаг дуучин Э.Болор-Уянгадаа амжилт хүсээд түүний дуулсан "Хайрын тэнгэр чи минь" дууг толилуулж байна.