Элсэлтийн ерөнхий шалгалт өнөөдөр /2017.06.14/ орон даяар эхэлж байна. Үүнтэй холбогдуулан орон нутгийн сурагчид аймаг, сумынхаа төвд очиж, шалгалтаа өгч байна. 

Гэтэл Дорноговь аймгийн сурагчид шалгалтаа өгөхөөр явж байгаад осолдсон харамсалтай хэрэг өнгөрсөн шөнө /2017.06.14/ гарчээ. 

Тодруулбал, Сайншандаас Замын-Үүдийг зорин явж байсан дөрвөн сурагч осолдож, хоёр нь амиа алджээ.

Осол Сайншандаас Замын-Үүд явах замын 466 дүгээр шонгийн ойролцоо гарсан ба "Норд бенз” автомашинтай зорчигчид "Соната” маркийн машинтай мөргөлдсөн байна.

Ослын улмаас жолооч, Дархан-Уул аймгийн харьяат, 31 настай эрэгтэй Б,  Сайншанд сумын харьяат, 49 настай, жолооч М, Замын-Үүд сумын харьяат, Д /18 настай, эрэгтэй/, Сайншанд сумын харьяат Б /18 настай, эрэгтэй / нарын таван хүн нас баржээ.

Харин Дорноговь аймгийн харьяат Т, Г нар /Хоёул 17 настай, эрэгтэй / нар гэмтлийн улмаас эмнэлэгт хүргэгдсэн аж.

Ослын шалтгааныг тогтоохоор аймгийн цагдаагийн хэлтэс шуурхай ажиллаж эхэлсэн тухай Замын цагдаагийн албанаас мэдээллээ. 

Д.УУДАМ