Ахуйн хүрээнд архидан согтуурч улмаар нэгнийгээ гэмтээж бэртээх, амь насыг нь хохироох гэмт хэрэг цагдаагийн байгууллагад бүртгэгдсээр байна. Өнгөрсөн амралтын өдөр гэхэд бусдын амийг санаатай хохироосон хоёр хэрэг цагдаагийн байгууллагад бүртгэгдэв.

Тодруулбал, Дорнод аймгийн Сэргэлэн сумын 2-р баг Хурганы өвөр гэх газарт, тус сумын харьяат 41настай эрэгтэй Э-ыг мөн сумын харьяат 36 настай М нь согтуурсан үедээ зодож амь насыг нь хохироосон хэргийг шалгаж байна. Мөн түүнчлэн Төв аймгийн Зуунмод сумын 1-р баг Одонт хөтөлийн "МТ" ШТС-ын орчимд, тус суманд оршин суух Д /эр.44н/ нь "Toyota Prius” автомашинаар, БЗД-19 хороонд суух О /эр.52н/-ыг дайрч амь насыг нь хохироосон хэргийг харьяа дүүргийн цагдаагийн хэлтэст шалгаж байна.

О.Сайхан