24 цагийн эмийн сан, “хогийн цэг” хоёр хамт байж болох уу?

Манай хуудсанд LIKE дарж нэгдэнэ үү

24 цагийн эмийн сан, “хогийн цэг” хоёр хамт байж болох уу?

 Хот дотор хамгийн олон айлтай гэж болох орон сууцны хороолол бол "Рапид”. Сангийн сайд Б.Чойжилсүрэнгийн хувийн "Хурд” компани барьсан Төв цэнгэлдэхийн урд талын улаан тоосгон байруудын байршил, чанарт хэрэглэгчид сэтгэл дүүрэн байдаг. Хүмүүсийн хэрэглээг дагаж, орон сууцны хороолол бүрд, нэг давхар болгонд үйлчилгээний газартай. Нэг сумын дайтай хүн ам оршин суудаг "Хурд”-ын 1 дүгээр байранд 24 цагийн аптек бий. Хүүхэд шуухад бүлээрэх, хөгшид өвгөд өвдөж сандаргах цагт Нэгдүгээр байранд байх 24 цагийн аптек "аминд ордог”. Тиймдээ ч оршин суугчид, хэрэглэгчид 24 цагийн эмийн сан байнга үйл ажиллагаа явуулж байгаад ил хэлэхгүй ч, дотроо дор бүрнээ талархаж явдаг.

Харин сүүлийн үед 24 цагийн аптекийн гадна хог ил хаядаг болсноор балчир хүүхдүүдэд ч халтай, Эмийн сайнд ч ээлгүй, эвгүй, оршин суугчдын сэтгэлд ч таагүй байх боллоо. Одоогоос сар шахмын өмнө энд жимсний дэлгүүр үүдээ нээсэн. Энэ дэлгүүр нээснээс хойш хогийн бункерийн гадна хог овоорч, муудсан бананы хальсан дээр халтирч унах шахаж явдаг. Ил хаясан хогон дээр ихэвчлэн жимсний хайрцаг байдаг, тэгээд ч өмнө нь ингэж ихээр ил хог хаядаггүй болохоор шинэ нээгдсэн жимсний дэлгүүрийг хүмүүс буруутгадаг. Харин дэлгүүрийн эзэд үүнийгээ хүлээн зөвшөөрдөггүй, ямар нэг шалтаг хэлдэг бололтой.
"Рапид харш” нэртэй Хурд хороололд анх удаа дэлгүүр үүдээ нээж байгаа биш. Хороолол баригдсан цагаас хойш "Цэнгэлдэх”, "Фрэско” гэх томоохон дэлгүүр бий. "Сити” гэдэг зах ч байрладаг. "Нappy mart”, "Очирваань”, "Намуун-Од” гэхчлэн олон жижиг дэлгүүрүүд үйл ажиллагаа явуулдаг ч, оршин суугчдыг хүндэтгэж, орчин тойрноо бодож, хэзээ ч сав баглаа боодлоо ил задгай хаядаггүй.
Харин шинэхэн байгуулагдсан жимсний дэлгүүр оршин суугчдын "шүдний өвчин” болж байна. Айлууд авдар авдраар нь, хайрцаг хайрцгаар нь жимс авч идэхгүй нь тодорхой. Харин ихэвчлэн жимсний хайрцаг, сав баглаа боодол хаялсан энэ "хогийн цэг”-ийг 24 цагийн эмийн сантай цуг байлгаад байж болохгүй. Өвдөж зовж, яарч сандарсан үед шөнө орой, үүр цүүр гэхгүй эмээ авчихдаг, хөгшид нь даралтаа үзүүлчихдэг 24 цагийн эмийн сан оршин суугчдад хэрэгтэй. Харин НӨАТ-ын баримт өгдөггүй, хогоо ил задгай хаяхаа юман чинээ боддоггүй жимсний дэлгүүрийн эзэд ямар нэг арга хэмжээ аваасай гэж оршин суугчид нь шаардлага тавьж байна.
24 цагийн эмийн сан, “хогийн цэг” хоёр хамт байж болох уу?
Манай хуудсанд LIKE дарж нэгдэнэ үү
Нэр:*
И-мэйл:
Сэтгэгдэл:
Bold Italic Underline Strike | Align left Center Align right | Insert smilies Select color | Add Hidden Text Insert Quote Convert selected text from selection to Cyrillic (Russian) alphabet Insert spoiler
top