Халуунд ямар жимс, ногоо зүрхийг хамгаалдаг вэ?

0 571

Байгалийн жамаараа зүрх-судасны системийн хэвийн үйл ажиллагааг дэмжиж чаддаг бүтээгдэхүүний хэрэглээг зуны улиралд ихэсгэхийг зүрх-судасны эмч нар зөвлөдөг.

Зуны улиралд дэлгүүр, зах зээлийн лангуун дээр зөндөө байдаг хүртээмжтэй жимс жимсгэнэ, хүнсний ногоо нь идэж хэрэглэхийг зөвлөдөг бүтээгдэхүүний жагсаалтад орж байдаг нь сайхан юм. Даралт бууруулахад тусладаг ногоон навчны шүүс, яншуй хэрэглэхийг мэргэжилтнүүд зөвлөдөг. Улаан лоольд хангалттай хэмжээгээр байдаг магни нь зүрхний булчинг сайжруулдаг бөгөөд харин антиоксидант болох нэлээд нэртэй ликопин (англиар - Lycopene) гэдэг бодис (зарим ургамлын үр жимсний өнгийг тодорхойлдог каротиноидын пигмент) нь судсанд сэргээх үйлчлэл үзүүлдэг байна.

Түүнчлэн мэргэжилтнүүд байцаа идэж байхыг зөвлөдөг. Энэ ногооны найрлагад С амин дэм болон ислэг ордог юм. Байцаа нь судсыг бөглрөлөөс "цэвэрлэж”, мөнөөх тос болон хорт бодисыг гадагшлуулж чаддагаараа нэртэй юм.

Гүйлс нь кали ихээр агуулдаг бөгөөд харин кали нь зүрхний үйл ажиллагааг дэмжихэд чухал шаардлагатай байдаг. Гүйлсний шүүс нь даралт бууруулдаг, гэхдээ жимсний сахар ихээр агуулдаг учраас өдөрт хоёр шилэн аяга /стакан/-аас илүү шүүс уухгүй байх хэрэгтэй.

Бараан өнгийн усан үзэм амин дэмүүдээр баялаг бөгөөд биеэс шингэнийг гадагшлуулахад тусладаг. Сахар их хэмжээтэй байдаг учир, усан үзмийн шүүсийг их хэмжээгээр уухыг эмч нар зөвлөдөггүй.

Ер нь зуны улиралд малгай өмсөж, литр хагасаас багагүй ус ууж, боломж байвал гадаа удаан хугацаагаар явахаас зайлсхийх хэрэгтэй.

Гэхдээ бөөр болон зүрх-судасны системийн өвчинтэй хүмүүс уух усны хэмжээг нэмэгдүүлэх хэрэггүй гэдгийг санавал зохино.

Тийнхүү жимс жимсгэнэ, ногоо ахиу идэхийг зөвлөдөг. Гадаа тийм ч их халуун биш байдаг өглөө юмуу орой хоолоо идэх хэрэгтэй.

С.Инда

Холбоотой мэдээ

Сэтгэгдэл үлдээх

АНХААРУУЛГА: Уншигчдын бичсэн сэтгэгдэлд www.Tonshuul.mn хариуцлага хүлээхгүй болно.

Сэтгэгдэл:
Bold Italic Underline Strike | Align left Center Align right | Insert smilies Select color | Add Hidden Text Insert Quote Convert selected text from selection to Cyrillic (Russian) alphabet Insert spoiler

Сэтгэгдэл байхгүй байна.