"Буянт-Ухаа 1" хороололын оршин суугчид зутарч байна гэв
ТОСК-д шаардлага хүргүүлжээ
"Буянт-Ухаа 1” хорооллын оршин суугчид өчигдөр ТОСК-д шаардлага хүргүүлжээ. Тэд шаардлагадаа "Засгийн газраас хүн амыг хямд өртөгтэй, чанартай орон сууцаар хангах зорилгоор "Буян-Ухаа 1" хорооллыг барьж ашитглалтад оруулсанд оршин суугчид бид талархалтай ханддаг билээ. Харамсалтай нь тус хороолол бүрэн ашиглалтад ороод дөнгөж нэг жилийн хугацаанд барилгын чанар, дулаан халаалт, агааржуулалтын систем, цонх хаалганы битүүмжлэл муугаас шалтгаалж дулаан алдалт/цонх, хаалганы сийгэлт/, мөөнгөнцөр үүсэх, чийг үнэртэх, цонхны хөлрөлтөөс үүсч ус гоожих, дулаан түгээлт хангалттай бус зэрэг олон асуудал үүсээд байна” гэжээ.
Мөн дээрх асуудлаар оршин суугчид ТОСК-тай хамтарсан ажлын хэсэг байгуулж үүсээд байгаа нөхцөл байдлыг яаралтай шийдвэрлэх хэрэгтэйг байгааг дурджээ.
Оршин суугчдын хэлж буйгаар "Хэрвээ засч янзлах ажлыг эхлүүлэхгүй, шаардлагыг хүлээж авахгүй тохиолдолд хуульд заасан эрхийн дагуу ШӨХТГ, МХЕГ, Хууль шүүхийн байгууллагуудтай хамтарч тэмцэнэ гэдгээ мэдэгджээ. Мөн Яармагийн 1-р буудлын хойно явган хүний зам хааж, хүүхдийн сургууль цэцэрлэгийн хажууд гаазан колонк барьсан зураг хөрөгтэй гомдлууд ирж байгаа аж.
Энэ талээр тус байрны оршин суугч н.Буямаагаас тодруулахад "Манайх хамгийн хүйтэн айл нь. Би гэртээ ноосон цамц гуталтайгаа байдаг. Халаалт, дулаан маш муу. Олон жилийн өр тавьж ийм байр авсан. Гэтэл нөхцөл байдал ийм байна" хэмээн ярьсан юм.