Арьсыг гүн цэвэрлэх нь таны бодож байснаас ч чухал бөгөөд нүүрний арьс толигор цэвэр байхын хамгийн том үндэс нь болж өгдөг. Хичнээн үнэтэй бүтээгдэхүүн хэрэглээд арьсыг гүн цэвэрлэж чадаагүй үед үр дүнгээ өгөх нь бага байдаг. Арьс бохирдож цэвэрлэгээ дутуу байсанаас батга гарч хуурайшиж эсвэл тослогтож эхлэх гэх мэт арьсны төрлөөс шалтгаалаад янз бүр. Тэр тусмаа арьсны нүх бол хүн болгонд л байдаг. Харин түүнийг арчилж цэвэрлээгүйгээс болж нүхэнд боxирдол хуримтлагдаж нүх улам томсож нүхжилт бий болдог. Тэгвэл нүхээ бүрэн цэвэрлэх арга бас байна. Гэрийн нөхцөлд нүүрээ гүн цэвэрлэж болох хялбар гэхдээ үр дүнтэй хэд хэдэн арга хуваалцая!

1) Уураар утах нь нүхийг маш сайн нээж бас арьсийг маш сайн цэвэрлэж өгдөг. Учир нь нүхжилт гэдэг бол үндсэндээ таны нүүрний илүүдэл бохирдол нь арьсны нүхэнд хуримталагдаад улмаар томрон хатаад нүүрэнд нүхжилт үүсгэдэг.Тэгвэл ингэж уураар утах нь хатуурч бохирдсон тосыг зөөлрүүлж өгдөг ач тустай. Жижиг саванд ус буцалгаад буцалсан усан дээр толгой дээрээ алчуур хучин 10 минут утаад араас нь хүйтэн усаар угаах нь маш үр дүнтэй гүн цэвэрлэх арга юм. Араас нь маш сайн чийгшүүлэх тос түрхэж болох юм. Хэрвээ та ингээд орхихгүй нүхжилтээс салах хүсэлтэй бол

Өндөгний цагааныг нэг цайны халбага лимоны шүүстэй холиод нүүрэндээ түрхэнэ. Хатсаны датаа бүлээн усаар угааж цэвэрлэнэ.

Мөсөөр нүүрээ арчиж нээгдэж цэвэрлэгдсэн нүхээ буцаан агшаана.

Үүнийн долоо хоног бүр давтан хийснээр таны нүүрний нүхжилт мэдэгдэхүйц багасна.

2) Гуужуулалт

Энэ нь бас мөн чухал гүн цэвэрлэгээ юм. Та ямар ч төрлийн арьстай байж болно гэхдээ гуужуулалт хийх нь зайлшгүй нэгэн хэвшил тань байх хэрэгтэйг мартаж болохгүй.

Тэр тусмаа тослог арьстай эсвэл холимог бол нүүрний бохирдол тосыг гуужуулаагүйгээс болоод батгашил мэдэгдэхүйц ихсэж улам тос ялгарч будаг шингэхгүй болох хүртэл энүүхэнд.

Аль ч төрлийн арьсанд шилдэг гуужуулагч бол зөгийн бал болон бор элсэн чихэр юм. Энэ нь арьсыг зөөлрүүлж илүүдэл боxирдол арилгах гэрийн нөхцөлд хийж болох хямд бөгөөд үр дүнтэй арга юм.

Зөгийн бал болон бор элсэн чихрээр хийх гуужуулагч хэрхэн хийх вэ?

-3 халбага зөгийн бал

-2 халбага бор эсвэл цагаан элсэн чихэр

Гэхдээ та өөрт хэрэгтэй хэмжээгээр зөгийн бал болон бор сахараа холиод нүүрэн дээрээ 3-5 минут орхиод угаахаасаа өмнө бага зэрэг гуужуулах маягаар үрж өгөөрэй. Ингээд л бүлээн усаар угаагаад чийгшүүлэгч тосоо түрхэхэд арьс тань хангалттай чийгшэл авч зөөлөрсөн байх болно.

3) Тосон гүн цэвэрлэгээ

Тослог болон холимог арьстай хүмүүс гайхаж байж мэднэ. Тос нь ихдээд байхад юун тосон цэвэрлэгээ вэ? гээд. Гэтэл бидний нүүрний онцлогоос үл хамаараад тослог нүүрэнд ч тос хэрэгтэй байдаг. Гэхдээ зөв ашиглахад нууц нь байгаа юм. Тосон гүн цэвэрлэгээ нь арьсны нүхийг гүн цэвэрлэж батга гарахаас ч хамгаалаад авдаг байна.

Эхлээд кастор тос болон олив тосыг 2 2 халбагаар жижиг саванд хийж сайтар хутгаж өгнө. Үүнийхээ хажуугаар жижиг саванд ус халааж тавиарай. Хольсон тосоо цэвэрлэсэн нүүрэндээ жигд түрхээд дээш Н хэлбэртэй массаж хийж өгөөрэй. Ингээд 3-5 минутын дараа халуун усандаа цэвэр алчуураа дүрж базаад нүүрэндээ алчуураа хөртөл байршуулаарай. Ингээд илүүдэл тосыг арчиж аваад хүйтэн усаар угаагаад нүүрнийхээ онцлогоос хамаараад тохирох чийгшүүлэх тосоо түрэхээрэй.

4) Арьс гүн цэвэрлэж цайруулах гэрийн нөхцөлд хийж болох маск

1 ширхэг улаан лойлийг сайтар нухаж нухшилаад цайны халбага зөгийн бал болон 5 дусал лимоны шүүсийг сайтар хутгаж нүүрэндээ 15-20 минут болгоод хүйтэн усаар угаана. Лимон болон улаан лооль арьсыг цайруулж гүн чийгшил өгч харин зөгийн бал булбарай зөөлөн болоход нь туслах болно.