Мэргэжлийн байж чадаагүй учир огцорч АРД-ын нэр зүүсэн ч мөн чанар нь байгаа учраас бахь байдгаараа өөрчлөгдсөнгүй. Харин ч ард түмний нүд чихнээс далдуур хийсэн хулгай, дээрэм нь өдөр бүр илчлэгдэх боллоо.

Энгийн нүдээр харахад улс төр гэдэг тохироо, мөн барьцаалсан сүрдүүлэг дээр тогтнодог бололтой. Эхлээд дөрвөн эрхмийн нэр олонд ил болж бөөн хэл амны бай болов. Энэ явдал удсан ч үгүй бүр газар авч өдгөө зуу хол гараад нэрс нь тодорч эхэлсэн. Эхнээсээ "зээлээр авсан мөнгөө хүүтэй нь хамт эргүүлж төлөөд хэрэгжүүлж эхэлсэн төслөө хаана” хэмээн мэдэгдэж байна.

Өнгөрөгч 2016 оны сонгуулиар МАН төрийн эрхийг бараг л дангаараа авсан гэж хэлж болно. Гэвч ичгэвтэртэй нь хоёрхон жил ч бололгүй 32, 33-ын бүлэг болон хэсэг талцсан. Гэтэл өнөөдөр дотроо хэд хуваагдаж хөлөө жийлцэх болсон нь таахын аргагүй. Үнэндээ замбараагүй байна гэж хэлж болно.

М.Энхболд улсын их хурлаа, У.Хүрэлсүх нь Засгийн газраа удирдаад дөрвөн жил энэ улсыг элгээр нь мөлхүүлчихэлгүй аваад явах чадваргүй юм бол юунд шунан өдий хүртэл өндөр сэнтийд залрана вэ? Төр түмнээ хүндэлдэггүй юм аа гэхэд ядаж өөрийгөө хүндэтгээд огцорно уу?

М.МАРТ

FACT.MN